- 2020-07-06 23:08:10
- ព័ត៌មាន
ឥណ្ឌាវ៉ាហួសរុស្ស៊ី និងក្លាយជាប្រទេសធំទី៣ ដែលឆ្លងវីរុសកូរ៉ូណា
- 2020-07-06 23:08:10
- ចំនួនមតិ 0 | ចំនួនចែករំលែក 0
ឥណ្ឌាវ៉ាហួសរុស្ស៊ី និងក្លាយជាប្រទេសធំទី៣ ដែលឆ្លងវីរុសកូរ៉ូណា
ចន្លោះមិនឃើញ
ឥណ្ឌាបានវ៉ាហួសរុស្ស៊ី និងក្លាយជាប្រទេសដែលរងគ្រោះដោយកូវីដ១៩ខ្លាំងបំផុតទី៣នៅក្នុងលោក បន្ទាប់ពីមនុស្ស ២៤,២៤៨នាក់បន្ថែមត្រូវបានរាយការណ៍ថាឆ្លងកាលពីថ្ងៃចន្ទទី៧កក្កដា។
ឥណ្ឌាឥឡូវ មានអ្នកឆ្លងកូវីដ១៩ចំនួន ៦៩៧,៤១៣នាក់ និង១៩,៦៩៣នាក់ស្លាប់។
សូមបញ្ជាក់ថា បច្ចុប្បន្ន រុស្ស៊ីមានអ្នកឆ្លងកូវីដ១៩ចំនួន៦៨០,២៨៣នាក់ អាម៉េរិកមានជិត២,៩លាននាក់ និងប្រេស៊ីលឈរលំដាប់ទី២គឺ ជាង១,៦លាននាក់។
អាជ្ញាធរឥណ្ឌាកាលពីយប់ថ្ងៃអាទិត្យបានដកចេញផែនការបើកប្រាសាទតាច ម៉ាហាល់ ដើម្បីទទួលភ្ញៀវទេសចរឡើងវិញ ក្រោយការឆ្លងករណីថ្មី នៅក្នុងតំបន់នោះ ទោះជាយ៉ាងណា ក្រសួងវប្បធម៌ឥណ្ឌាបានសំរេចបើកប្រសាទទាំងអស់ឡើងវិញនៅថ្ងៃចន្ទទី០៧កក្កដានៅទូទាំងប្រទេស ក្រោយបិទមិនទទួលភ្ញៀវអស់៣ខែ។
ឥណ្ឌាបានជួបការឆ្លងខ្ពស់បំផុតប្រចាំថ្ងៃកាលពីថ្ងៃអាទិត្យទី០៥កក្កដានៅពេលប្រទេសនេះ បានបើកមណ្ឌលព្យាបាលធំមួយជាមួយនឹងគ្រែអ្នកជំងឺ១០,០០០នាក់នៅក្នុងរដ្ឋធានីដើម្បីប្រយុទ្ធនឹងជំងឺឆ្លងនេះ។
ក្រសួងសុខាភិបាលបានរាយការណ៍ការឆ្លងថ្មីក្រោម ២៥,០០០ករណីបន្តិច និង៦១៣នាក់ស្លាប់កាលពីថ្ងៃអាទិត្យ ជាចំនួនឆ្លងប្រចាំថ្ងៃខ្ពស់បំផុតចាប់តាំងពីករណីដំបូងត្រូវបានរកឃើញកាលពីខែមករា។
កំណើននៃការឆ្លងប្រចាំថ្ងៃនេះកើតឡើងចំពេលរដ្ឋធានីញូវដេល្លី ចាប់ផ្តើមព្យាបាលអ្នកជំងឺនៅមជ្ឈមណ្ឌលសាសនាមួយ ជាមួយនឹងគ្រែពេទ្យ ១០,០០០។ មានទំហំប៉ុនតារាងបាល់ទាត់២០ ទីតាំងនៅជាយក្រុងនេះនឹងព្យាបាលអ្នកជំងឺស្រាលនិងអ្នកឆ្លងកូវីដ១៩តែមិនចេញរោគសញ្ញា៕