- 2020-07-23 05:03:59
- ព័ត៌មាន
អ្នកឆ្លងកូវីដទូទាំងពិភពលោកកើនដល់១៥លានខណៈអាមេរិកនៅតែឈរលេខ១
- 2020-07-23 05:03:59
- ចំនួនមតិ 0 | ចំនួនចែករំលែក 0
អ្នកឆ្លងកូវីដទូទាំងពិភពលោកកើនដល់១៥លានខណៈអាមេរិកនៅតែឈរលេខ១
ចន្លោះមិនឃើញ
សហរដ្ឋអាមេរិកនៅតែឈរលេខ១នៅលើពិភពលោកជាប្រទេសដែលមានអ្នកឆ្លងកូវីដ១៩ ឬកូរ៉ូណាច្រើនជាងគេបង្អស់ប្រមាណ៤លាននាក់។
គិតត្រឹមថ្ងៃព្រហស្បតិ៍ប្រទេសមហាអំណាចពិភលោកមួយនេះមានអ្នកស្លាប់រហូតជាង១,៤សែននាក់ ក្នុងនោះម្សិលមិញ១ថ្ងៃមានរហូតដល់១ពាន់នាក់។ ទិន្នន័យសរុបជារួមវិញមានមនុស្ស១៥លាននាក់ហើយជុំវិញពិភពលោកដែលឆ្លងកូវីដ១៩ខណៈប្រទេសមួយចំនួនបានថយចុះចំនួនអ្នកឆ្លង ហើយមួយចំនួនទៀតនៅតែធ្ងន់ធ្ងរនៅឡើយ។
គ្មានតម្រុយផ្លូវការណាមួយដែលប្រកាសដោយអង្គការសុខភាពពិភពលោកពីការរកឃើញវ៉ាក់សាំង និងថ្នាំព្យាបាលពីអង្គការសុខភាពពិភពលោកនៅឡើយទេមកទល់នឹងពេលនេះ បើទោះជាប្រទេសមួយចំនួនអះអាងថាពួកគេបានជោគជ័យក្នុងការធ្វើតេស្តជំហានដំបូង ឬជំហានទី២ក៏ដោយ។
ការរក្សាគម្លាតសង្គម, ការពាក់ម៉ាស និងការលាងដៃនឹងទឹកអាល់កុល ឬសាប៊ូ នៅតែជាវិធីការពារដ៏មានប្រសិទ្ធភាពបំផុតដើម្បីជៀសវាងពីការឆ្លងកូវីដ១៩៕
