- 2020-10-06 03:46:13
- សេដ្ឋកិច្ច
សេវាកម្មដឹកភ្ញៀវទេសចរតាមរទេះគោ នៅខេត្តកំពង់ឆ្នាំង បើកដំណើរការឡើងវិញហើយ
- 2020-10-06 03:46:13
- ចំនួនមតិ 0 | ចំនួនចែករំលែក 0
សេវាកម្មដឹកភ្ញៀវទេសចរតាមរទេះគោ នៅខេត្តកំពង់ឆ្នាំង បើកដំណើរការឡើងវិញហើយ
ចន្លោះមិនឃើញ
អ្នកភូមិនៃឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង បានចងក្រងគ្នាជាសហគមន៍ដឹកភ្ញៀវទេសចរតាមរទេះគោបុរាណ ដើម្បីទាញយកកម្រៃបន្ថែមលើការងារធ្វើស្រែចម្ការ ឬការងារសំណង់ និងរោងចក្រកាត់ដេរ។
លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង ឱ្យដឹងថា បន្ទាប់ពីផ្អាកមួយរយៈ ដោយសារវិបត្តិកូវីដ-១៩ ឥឡូវនេះកសិករជាង៥០គ្រួសារនៅភូមិអ្នកតាហាងនិងភូមិកំពង់ត្រឡាច បានធ្វើសកម្មភាព ដឹកភ្ញៀវទេសចរទស្សនាតាមរយៈការជិះរទេះគោឡើងវិញហើយ ។
ភ្ញៀវទេសចរបរទេស ចូលចិត្តជិះរទេះគោលេងកម្សាន្ត ពេលមកទស្សនាវត្តបុរាណរបស់ខ្មែរ មើលបឹង មើលសត្វ មើលទេសភាព ទស្សនាការស្មូនឆ្នាំងដី ទស្សនាការឡើងត្នោត និង ការផលិតស្ករត្នោត និងមើលពីជីវភាពរស់នៅរបស់ ប្រជាពលរដ្ឋស្រុកស្រែចម្ការជាដើម។
លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំងបញ្ជាក់ថា ការដឹកភ្ញៀវទេសចរតាមទេះគោនេះ គឺក្នុង១ជើងៗ មានចម្ងាយប្រមាណពី៣ទៅ ៤គីឡូម៉ែត្រ ហើយទទួលបានចំណូលពី១០ ទៅ១៥ដុល្លារ ដោយក្នុងមួយថ្ងៃអាចមាន ភ្ញៀវទេសចរមកលេងកម្សាន្តប្រមាណ ពី៣០ទៅ៥០នាក់៕