- 2020-10-20 03:43:45
- ព័ត៌មាន
ថៃកោះប្រជុំពិសេស ក្រោយការតវ៉ាពីបាតុករកាន់តែធំ និងខ្លាំងជាងមុន
- 2020-10-20 03:43:45
- ចំនួនមតិ 0 | ចំនួនចែករំលែក 0
ថៃកោះប្រជុំពិសេស ក្រោយការតវ៉ាពីបាតុករកាន់តែធំ និងខ្លាំងជាងមុន
ចន្លោះមិនឃើញ
លោកប្រាយុទ្ធ ចាន់អូចា នាយករដ្ឋមន្ត្រីថៃ បានអំពាវនាវឲ្យមានកិច្ចប្រជុំសភាពិសេសមួយ ក្រោយពួកអ្នកតវ៉ាប្រឆាំងមានផែនការធ្វើការជួបជុំបន្តទៀតដើម្បីទាមទារអោយលោកចុះចេញពីតំណែង។
ក្រោមលក្ខខណ្ឌសំខាន់ៗមួយចំនួន ក្រុមបាតុករមិនខ្លាចការបង្ក្រាបដែលភាគច្រើនគឺយុវជន និងនិស្សិតបានទាមទារឲ្យលោកប្រាយុទ្ធចុះចេញពីតំណែង ដោះលែងសកម្មជន និងធ្វើកំណែទំរង់របបរាជានិយមដោយសារពួកគេយល់ថា ស្តេចសព្វថ្ងៃមានទ្រព្យធន និងអំណាចហួសហេតុពេក។
ប្រាយុទ្ធ បាននិយាយថា បើទោះសភាបច្ចុប្បន្នកំពុងផ្អាក ប៉ុន្តែលោកនឹងស្នើកោះហៅមកបើកកិច្ចប្រជុំពិសេសដើម្បីពិភាក្សារកវិធីកាត់បន្ថយភាពតានតឹង។ ក្រោយបង្ហាញពីការសម្របសម្រួលនេះនាយករដ្ឋមន្ត្រីថៃក៏សុំឲ្យពួកអ្នកប្រឆាំងតវ៉ាធ្វើការជួបជុំដោយសន្តិវិធី និងយោគយល់ក្នុងនាមជាជនជាតិថៃដូចគ្នាផងដែរ៕