- 2020-11-26 02:16:39
- ព័ត៌មាន
មូលហេតុនៅពីក្រោយការលុបចោលព្រែកឧកញ៉ាពាមផ្លុង កើតជាសួនច្បារផ្សារចាស់ដល់សព្វថ្ងៃ
- 2020-11-26 02:16:39
- ចំនួនមតិ 0 | ចំនួនចែករំលែក 0
មូលហេតុនៅពីក្រោយការលុបចោលព្រែកឧកញ៉ាពាមផ្លុង កើតជាសួនច្បារផ្សារចាស់ដល់សព្វថ្ងៃ
ចន្លោះមិនឃើញ
ព្រែកពាមផ្លុង គឺជាព្រែកមួយដែលព្រះបាទពញាយ៉ាតបញ្ជាឲ្យឧកញ៉ាផ្លុងជាចៅហ្វាយស្រុកនៃខេត្តបាទីជីកដេីម្បីបង្ហូរទឹកចូលក្រុងជួយសម្រាលជីវភាពប្រជាជនធ្វេីស្រែចំការ ហើយក៏ជាកំពែងការពាររាជវាំងទ្រង់ផង។ ឈ្មោះព្រែកក៏ជាប់តាមឈ្មោះឧកញ៉ាផ្លុងតមក។
ព្រែកនេះជីកកំឡុងឆ្នាំ ១៤៣៤ ឬ១៤៣៥ តំណាលគ្នាជាមួយព្រែកផ្សេងទៀតព័ទ្ធរាជធានីចតុមុខ (ភ្នំពេញ)ដូចជាព្រែកពោងពាយ ឬព្រែកចិនដំដែក ព្រែកតាកែវ ព្រែកដូនកែវ។ ព្រះបាទពញាយ៉ាតបានចាត់ឲ្យប្រជារាស្ត្រពូនវត្តភ្នំបន្ថែម ហេីយកន្លែងជីកគឺក្លាយជាបឹងតេជោ(តេជោ ជាចៅហ្វាយខេត្តសំរោងទង ឬកំពង់ស្ពឺសម័យនោះ) បឹងតេជោសព្វថ្ងៃជាផ្សារធំថ្មី។ ឯផ្សារដែលមានតំបូងគេនៅភ្នំពេញគឺផ្សារចាស់។
ព្រែកពាមផ្លុងស្ថិតនៅតាមបណ្តោយសួនច្បារពីមាត់ទន្លេរហូតដល់ស្ថានីយរាជាយស្ម័យយាន ពោលគឺនៅតាមបណ្តោយមហាវិថីព្រះមហាក្សត្រិយានីកុសុមៈ (១០៦) និងវិថីឧកញ៉ាអ៊ឹងប៊ុនហ៊ូវ(១០៨) ក្នុងខណ្ឌដូនពេញ ស្របនឹងផ្លូវឧកញ៉ាផ្លុងនេះឯង ។
យ៉ាងណាព្រែកត្រូវលុបនៅក្នុងឆ្នាំ១៩៤៦ ជំនួសដោយសួនច្បារក្នុងសម័យបារាំង។ មូលហេតុបារាំងសម្រេចលុបបំបាត់ព្រែកពាមផ្លុង គឺដោយយល់ថា ព្រែកដែលជីកដោយស្ដេចខ្មែរនេះ លែងមានគុណសម្បត្តិតទៅទៀតហើយ វាមិនមែនជាព្រែកជួយរំដោះទឹកចេញពីក្រុងភ្នំពេញទេ តែវាបែរជានាំទឹកឱ្យចូលក្នុងក្រុងភ្នំពេញទៅវិញ។ មួយវិញទៀតបារាំងយល់ថា ទីក្រុងភ្នំពេញ លែងមានស្រែធ្វើទៀតហើយ។
ភ្នំពេញជាទីក្រុងទាន់សម័យ ត្រូវតែលុបបំបាត់ព្រែកពាមឧកញ៉ាផ្លុងចោល។ ហេតុផលសំខាន់មួយទៀត ក្នុងឆ្នាំ១៩២៩ ឬ១៩៣០ ការកសាងផ្លូវដែករថភ្លើង តម្រូវឱ្យលុបព្រែកពាមផ្លុងនេះ ចោលពាក់កណ្តាល តែទេសាភិបាលបារាំងនៅកម្ពុជា សម្រេចលុបទាំងអស់តែម្ដង៕