- 2020-12-09 11:43:55
- ព័ត៌មាន
លោកជំទាវ ជា សិរី ឈ្នះពានអន្តរជាតិ ក្រោយបង្កើតប្រព័ន្ធទូទាត់ប្រាក់ឆ្លងធនាគារដោយឥតគិតថ្លៃសេវា
- 2020-12-09 11:43:55
- ចំនួនមតិ 0 | ចំនួនចែករំលែក 0
លោកជំទាវ ជា សិរី ឈ្នះពានអន្តរជាតិ ក្រោយបង្កើតប្រព័ន្ធទូទាត់ប្រាក់ឆ្លងធនាគារដោយឥតគិតថ្លៃសេវា
ចន្លោះមិនឃើញ
លោកជំទាវ ជា សិរី ឧបការី និងអគ្គនាយកបច្ចេកទេសនៃធនាគារជាតិកម្ពុជា បានទទួលពានបុគ្គលឆ្នើមនៃ "ប្រព័ន្ធទូទាត់នាពេលអនាគត" ពីមជ្ឈមណ្ឌលហិរញ្ញវត្ថុ បច្ចេកវិទ្យា និងសហគ្រិនភាព និងវិទ្យាស្ថានធនាគារប៊ុយដាប៉ែស។
ពាននេះគឺផ្ដល់ឡើងចំពោះស្នាដៃរបស់លោកជំទាវ ក្នុងការផ្ដួចផ្ដើមបង្កើតប្រព័ន្ធផ្ទេរប្រាក់បាគង ដែលជាប្រព័ន្ធផ្ទេរប្រាក់ឆ្លងធនាគារដោយឥតគិតថ្លៃសេវាកម្ម។
ធនាគារជាតិកម្ពុជាបានចុះផ្សាយថា កន្លងមកការផ្ទេរប្រាក់ពីធនាគារមួយ ទៅធនាគារមួយទៀតធ្វើឡើងបានលុះត្រាតែធនាគារទាំងសងខាងមានដៃគូសហការជាមួយគ្នា ហើយការផ្ទេរទៀតសោតគឺអស់កម្រៃទៀតផង។ ដោយហេតុនេះហើយទើបលោកជំទាវ សិរី បានបង្កើតនូវប្រព័ន្ធមេមួយ សម្រាប់ឲ្យធនាគារទាំងអស់ភ្ជាប់នឹងបណ្ដុំរួមតែមួយ។
ប្រព័ន្ធបាគង ជាប្រព័ន្ធមួយស្ថិតក្រោមធនាគារជាតិ ត្រូវបានបង្កើត និងដាក់ឲ្យប្រើប្រាស់នៅថ្ងៃទី២៨ ខែតុលា ឆ្នាំ២០២០ ក្នុងគោលបំណងសម្រួលការទូទាត់ និងការផ្ទេរឆ្លងធនាគារ (បែបលក្ខណៈអេឡិចត្រូនិក)៕