- 2020-12-15 01:14:08
- ព័ត៌មាន
មូលហេតុនេះហើយ! ដែលបទថ្មី Marjorie របស់ Taylor Swift មានរំលេចនូវប្រាសាទបុរាណខ្មែរ
- 2020-12-15 01:14:08
- ចំនួនមតិ 0 | ចំនួនចែករំលែក 0
មូលហេតុនេះហើយ! ដែលបទថ្មី Marjorie របស់ Taylor Swift មានរំលេចនូវប្រាសាទបុរាណខ្មែរ
ចន្លោះមិនឃើញ
Marjorie គឺជាបទចម្រៀងថ្មីបំផុតចុងក្រោយមួយ ដែលច្រៀងដោយអ្នកចម្រៀងបែបប៉ុបដ៏ល្បីល្បាញរបស់សហអាមេរិកគឺនាងTaylor Swift ដែលទើបចេញផ្សាយវីដេអូផ្លូវការលើបណ្ដាញ Youtube កាលពីថ្ងៃទី១១ ខែធ្នូ ឆ្នាំ២០២០។
ទោះទើបចេញបានតែ៣ថ្ងៃប៉ុន្មានបទនេះមានអ្នកចុចមើលជាង១លានដងទៅហើយ ក្នុងនោះអ្វីដែលពិសេសគឺក្នុងវីដេអូបទថ្មីរបស់តារាចម្រៀងអាមេរិកវ័យ៣១ឆ្នាំ បានរំលេចនៅប្លង់ប្រាសាទបុរាណខ្មែរដ៏ល្បីខ្ទរខ្ទារមួយគឺប្រាសាទតាព្រហ្ម ស្នាព្រះហស្តព្រះបាទជ័យវរ្ម័នទី៧ ក្នុងរមណីយដ្ឋានអង្គរ ជាបេតិកភណ្ឌពិភពលោក ស្ថិតក្នុងខេត្តសៀមរាប ប្រទេសកម្ពុជា។
មែនទែនទៅ Marjorie គឺសំដៅលើឈ្មោះរបស់លោកយាយរបស់ Taylor Swift គឺលោកស្រី Marjorie Finlay ជាអ្នកចម្រៀងបែបអូប៉េរ៉ារបស់អាមេរិកដ៏លេចធ្លោមួយរូប ហើយលោកស្រីធ្លាប់បានទៅទស្សនាប្រាសាទបុរាណខ្មែរគឺប្រាសាទតាព្រហ្ម កាលពីសម័យមុនសង្គ្រាមស៊ីវិលនៅកម្ពុជា។
វីដេអូរបស់អ្នកស្រី Marjorie ទស្សនាប្រាសាទតាព្រហ្ម ត្រូវបានTaylor Swift បញ្ចូលទៅក្នុងបទ Marjorie ដែលរ៉ាយរ៉ាប់ពីលោកយាយរបស់នាង។ Marjorie កើតនៅថ្ងៃទី៥ ខែតុលា ឆ្នាំ១៩២៨ និងបានស្លាប់កាលពីឆ្នាំ២០០៣ នៅពេលដែល Taylor Swift មានអាយុ១៤ឆ្នាំប៉ុណ្ណោះ។ លោកយាយ Marjorie ត្រូវបានគេជឿថាជាបុគ្គលដែលជាក់ឥទ្ធិពលបំផុតក្នុងជីវិតរបស់ Taylor រហូតធ្វើឲ្យនាងក្លាយជាអ្នកចម្រៀងប៉ុបដ៏ល្បីល្បាញលើពិភពលោកដូចសព្វថ្ងៃ៕
