- 2021-01-04 08:17:47
- ព័ត៌មាន
កម្ពុជានាំចេញផលិតផលកសិកម្ម ជលផល ព្រៃឈើ កៅស៊ូ ជាង៦០០លានដុល្លារ ក្នុងឆ្នាំ២០២០
- 2021-01-04 08:17:47
- ចំនួនមតិ 0 | ចំនួនចែករំលែក 0
កម្ពុជានាំចេញផលិតផលកសិកម្ម ជលផល ព្រៃឈើ កៅស៊ូ ជាង៦០០លានដុល្លារ ក្នុងឆ្នាំ២០២០
ចន្លោះមិនឃើញ
ទិន្នន័យជាតម្លៃសរុប និងតម្លៃនៃការនាំចេញរបស់ផ្នែកទាំងបួនក្នុងវិស័យកសិកម្ម ដែលសម្រេចបាននូវការនាំចេញក្នុងឆ្នាំ២០២០កន្លងមក បានបង្ហាញនៅលើគណនីហ្វេសហ៊ុកផ្ទាល់ខ្លួន របស់ ឯកឧត្តម រដ្ឋមន្រ្តី វេង សាខុន នាព្រឹកថ្ងៃទី៤មករា ឆ្នាំ២០២១។
ក្នុងនោះ ផ្នែកផលិតកម្មសត្វ មាន (គោ,ក្របី, ជ្រូក,បក្សី,ស៊ុតមាន់-ទា) មានតម្លៃសរុប ជាង១,៨ពាន់លានដុល្លារ ដោយការនាំចេញនៃផ្នែកនេះ សម្រេចបានជាង ៦១ ៣០៧ ០០០ ដុល្លារអាមេរិក។
ផ្នែកផលិតកម្មជលផល ដែលមានទាំងផលនេសាទទឹកសាប, ផលនេសាទសមុទ្រ, ផលវារិវប្បកម្ម គឺសម្រេចបាននូវតម្លៃជិត១,៨៧០ពាន់ដុល្លារ។ ក្នុងនោះ ការនាំចេញសម្រេចបានជាង៨លានដុល្លារ ខណៈការនាំចេញផលិតផលព្រៃឈើ សត្វព្រៃ និងសំបុកត្រចៀកកាំ បានជាង៤៤ លានដុល្លារ។
សម្រាប់ផ្នែកផលិតផលព្រៃឈើ,សត្វព្រៃនេះ និងសំបុក្រត្រចៀកកាំ គឺមានតែផលិតផលឈើដាំ,ឈើកែច្នៃ, សត្វស្វារចិញ្ចឹម, ផលិតផលស្បែកសត្វ មានតម្លៃជិត ៨៦ ៩៥៧ ៤៣៦ ដុល្លារអាមេរិក។
ផ្នែកផលិតកម្មកៅស៊ូវិញ(ចម្ការកៅស៊ូឧស្សាហកម្ម និងគ្រួសារ) កម្ពុជានាំចេញសម្រេចបានជាង៤៨២លានដុល្លារ។ ក្នុងនោះតម្លៃសរុបនៃការនាំចេញជ័រកៅស៊ូប្រចាំឆ្នាំ២០២០ មាន៤៥៩លានដុល្លារ និងនាំចេញឈើកៅស៊ូ មានជាង ២៣ ៧៦០ ០០០ ដុល្លារអាមេរិក។
