- 2021-01-21 01:35:38
- ព័ត៌មាន
តិចច្រឡំវត្ត! ហាងកាហ្វេមួយនៅថៃ រចនាតាមស្ថាបត្យកម្មបុរាណ ទាក់ទាញទេសចរណ៍ជាច្រើន
- 2021-01-21 01:35:38
- ចំនួនមតិ 0 | ចំនួនចែករំលែក 0
តិចច្រឡំវត្ត! ហាងកាហ្វេមួយនៅថៃ រចនាតាមស្ថាបត្យកម្មបុរាណ ទាក់ទាញទេសចរណ៍ជាច្រើន
ចន្លោះមិនឃើញ
ឈៀងម៉ៃគឺជាខេត្តដ៏សំខាន់មួយនៅភាគខាងជើងប្រទេសថៃ ដែលបង្កើតឡើងនៅឆ្នាំ ១២៩៦ ជាអតីតរដ្ឋធានីនៃព្រះរាជាណាចក្រឡានណា (ស្រែមួយលាន) រហូតដល់ឆ្នាំ១៥៥៨ ហើយចុងក្រោយក្លាយជាដែនដីមួយផ្នែកធំរបស់ប្រទេសថៃបច្ចុប្បន្ន។
ទីនោះជាទីក្រុងចាស់នៅសេសសល់ និងប្រមូលផ្ដុំទៅដោយសំណង់ ភស្តុតាងប្រវត្តិសាស្ត្រជាច្រើនទាក់ទងនឹងសាសនា និងវប្បធម៌ជនជាតិឡានណា លាយឡំ និងជនជាតិសៀមរហូតដល់បច្ចុប្បន្ន។ ឈៀងម៉ៃប្រជុំដោយព្រះវិហារព្រះពុទ្ធសាសនារាប់រយដែលរួមមានវត្តល្បីល្បាញ និងចំណាស់ៗដូចជា វត្តព្រះសឹង្ហ សតវត្សទី១៤ និងវត្តចេតិយហ្លួង ឬចេតិយស្ដេចនាសតវត្សទី១៥។
ក្រៅពីកេរ្តិ៍ដំណែលវប្បធម៌បុរាណដែលមានស្រាប់ គេបានចាប់អារម្មណ៍ទៅនឹងការច្នៃប្រឌិត និងការផ្សារភ្ជាប់រវាងបុរាណ នឹងសម័យទំនើបតាមរយៈរូបភាពជាច្រើនផ្សេងទៀត ធ្វើឲ្យឈៀងម៉ៃ រីកសាយកេរ្តិ៍ឈ្មោះកាន់តែល្បីទៅកាន់ពិភពលោក។ ជាក់ស្ដែងមានហាងកាហ្វេមួយនៅឈៀងម៉ៃត្រូវបានសាងសង់យកលំនាំទៅតាមព្រះវិហារបុរាណយ៉ាងគួរឲ្យទាក់ទាញ។
ហាងកាហ្វេនេះស្ថិតនៅក្នុងមជ្ឈមណ្ឌលឈ្មោះ Kad Farang Village ដែលប្រមូលផ្ដុំដោយហាងទំនិញ, អាហារដ្ឋាន និងកន្លែងកម្សាន្តនានា។ សំណង់ហាងកាហ្វេយកលំនាំទៅតាមព្រះវិហារព្រះពុទ្ធសាសនា តាមរចនាបថឡានណា និងសៀម លាយនឹងទំនើប។ ទីនោះគឺជាគោលដៅថតរូបយ៉ាងសំខាន់សម្រាប់ទេសចរណ៍ ដែលមិនអាចរំលងបាន៕
ប្រភពរូប៖ Kad Farang Village