- 2021-02-24 07:19:53
- ព័ត៌មាន
ចម្លែក! ត្រីបាឡែន៤៥ក្បាល បានងាប់លើឆ្នេរប្រជុំកោះឥណ្ឌូណេស៊ី ដោយមិនដឹងមូលហេតុ
- 2021-02-24 07:19:53
- ចំនួនមតិ 0 | ចំនួនចែករំលែក 0
ចម្លែក! ត្រីបាឡែន៤៥ក្បាល បានងាប់លើឆ្នេរប្រជុំកោះឥណ្ឌូណេស៊ី ដោយមិនដឹងមូលហេតុ
ចន្លោះមិនឃើញ
ត្រីបាឡែនប្រភេទ Pilot whale យ៉ាងហោចណាស់៤៥ក្បាល ដែលបានជាប់នៅលើឆ្នេរតំបន់នៅប៉ែកឦសាននៃកោះ Madura ប្រទេសឥណ្ឌូណេស៊ីបានងាប់នៅទីនោះ បើទោះជាក្រុមអ្នកជួយសង្គ្រោះព្យាយាមជួយក៏ដោយ។
ក្រុមសង្គ្រោះ និងប្រជាជនបាននាំគ្នារុញត្រីបាឡែនមួយចំនួនចូលទៅក្នុងសមុទ្រវិញនៅពេលដែលពួកវាទើរជាប់នៅនឹងឆ្នេរ ប៉ុន្តែត្រីបាឡែនទាំងនោះ បានត្រឡប់មកវិញម្តងទៀត។ សំណាករបស់ត្រីបាឡែនដែលងាប់នឹងត្រូវផ្ញើទៅសាកលវិទ្យាល័យក្នុងតំបន់ដើម្បីសិក្សាស្រាវជ្រាវ។
កាលពីឆ្នាំមុន ត្រីបាឡែន Pilot whale ជាច្រើនក្បាល បានជាប់នៅលើឆ្នេរនៅតំបន់ប៉ាស៊ីហ្វិកខាងត្បូង ដូចជានៅក្នុងប្រទេស នូវែលហ្សេឡង់ និងកោះ Tasmania នៃប្រទេសអូស្ត្រាលី ដែលត្រីបាឡែនរាប់រយក្បាល បានងាប់នៅទីនោះ។
Whale Stranding Indonesia ដែលជាអង្គការក្រៅរដ្ឋាភិបាលបានឲ្យដឹងថា នៅក្នុងឆ្នាំ២០២០ ថនិកសត្វក្នុងសមុទ្រជាង៧០ប្រភេទ ត្រូវបានរកឃើញថា ជាប់នៅលើឆ្នេរ៕