- 2021-03-22 09:59:23
- ព័ត៌មាន
ស្ងាត់ៗ! ថៃកើនអ្នកស្លាប់ដោយសារកូវីដ ដល់ ៩១នាក់ ឯអ្នកឆ្លងថ្មីថ្ងៃនេះ ៧៣នាក់
- 2021-03-22 09:59:23
- ចំនួនមតិ 0 | ចំនួនចែករំលែក 0
ស្ងាត់ៗ! ថៃកើនអ្នកស្លាប់ដោយសារកូវីដ ដល់ ៩១នាក់ ឯអ្នកឆ្លងថ្មីថ្ងៃនេះ ៧៣នាក់
ចន្លោះមិនឃើញ
នាថ្ងៃទី ២២ ខែមីនា ឆ្នាំ២០២១ នេះ ថៃបានប្រកាសរកឃើញអ្នកវិជ្ជមានកូវីដ-១៩ ចំនួន ៧៣នាក់ និង មានអ្នកស្លាប់ម្នាក់ទៀត។ បើតាមការចុះផ្សាយរបស់កាសែត បាងកកប៉ុស្តិ៍ បានឱ្យដឹងថា ក្នុងករណីអ្នកវិជ្ជមានថ្មីទាំង ៧៣នាក់ មាន៦៦នាក់ជាករណីឆ្លងក្នុងសហគមន៍ និង ៧ករណីទៀតគឺជាការនាំចូលពីក្រៅប្រទេស។ គិតទាំងអ្នកស្លាប់ថ្មីមួយរូបទៀតនេះ ធ្វើឲ្យចំនួនអ្នកស្លាប់ដោយសារកូវីដនៅថៃ កើនដល់ ៩១នាក់ហើយ។
ចំពោះករណីអ្នកស្លាប់ថ្មី ជាបុរសជនជាតិថៃ វ័យ ៦០ឆ្នាំមានទីលំនៅក្នុងក្រុងបាងកក។ បុរសនេះបានតេស្តវិជ្ជមានកូវីដនៅថ្ងៃទី១៥ ខែមីនា រួចបន្តសម្រាកព្យាបាលនៅមន្ទីរពេទ្យ ប៉ុន្តែដោយសារតែមានជំងឺប្រចាំកាយ មហារីកសួតផងនោះ ទើបធ្វើឱ្យក្រុមគ្រូពេទ្យមិនអាចជួយសង្រ្គោះបាន។
គួរឱ្យដឹងថា គិតត្រឹមថ្ងៃទី២២ ខែមីនា ប្រទេសមានព្រំដែនជាប់កម្ពុជាមួយនេះ មានអ្នកឆ្លងកូវីដសរុបចំនួន ២៧៨៧៦នាក់ និងមានអ្នកស្លាប់ ៩១នាក់៕
