- 2021-04-07 08:08:52
- ព័ត៌មាន
ក្រោយប្រតិបត្តិការជាច្រើនខែ នាវាចម្បាំង សម័យសង្រ្គាមត្រូវស្រង់ចេញពីទឹក នៅស្រុកស្រីសន្ធរ
- 2021-04-07 08:08:52
- ចំនួនមតិ 0 | ចំនួនចែករំលែក 0
ក្រោយប្រតិបត្តិការជាច្រើនខែ នាវាចម្បាំង សម័យសង្រ្គាមត្រូវស្រង់ចេញពីទឹក នៅស្រុកស្រីសន្ធរ
ចន្លោះមិនឃើញ
អស់រយៈពេល៦ខែហើយដែល កម្លាំងជំនាញបានប្រមូល និងស្រង់គ្រាប់យុទ្ធភណ្ឌមកលើគោកជាបន្តបន្ទាប់ពោលគឺ ចាប់ពីខែតុលា ឆ្នាំ២០២០មក។
សរុបក្រុមការងារស្រង់បានគ្រាប់យុទ្ធភណ្ឌប្រមាណ ១៦តោន ព្រមទាំងបំណែកឆ្អឹងសពមនុស្សចំនួន៦ និងសម្ភារសឹកមួយចំនួនទៀត។ នៅថ្ងៃនេះតួនាវាចម្បាំងទាំងមូលត្រូវបានស្រង់ចេញពីទឹក ក្នុងចំណុចភូមិសាស្ត្រ នៅភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាម។
នាវាដែលលិចក្នុងកំឡុងសង្គ្រាមស៊ីវិលនៅកម្ពុជា កាលពីទសវត្សឆ្នាំ១៩៧០នេះ បានលិចកប់ក្នុងបាតទន្លេមានជម្រៅរហូតដល់ ២៧,៥ម៉ែត្រ។ ស្ថានភាពនាវាមានសភាពចាស់ទ្រុឌទ្រោមខ្លាំង និងមានស្នាមធ្លុះធ្លាយជាច្រើនកន្លែងដោយការបាញ់ពន្លិច ក្នុងពេលប្រយុទ្ធគ្នា។
ពិធីស្រង់នាវាប្រព្រឹត្តឡើងក្រោមអធិបតីភាព នាយឧត្តមសេនីយ៍ នាង ផាត ជាប្រធានក្រុមការងារអន្តរក្រសួង ដើម្បីចុះសិក្សា និងដោះស្រាយករណីរកឃើញគ្រាប់យុទ្ធភណ្ឌមិនទាន់ផ្ទុះក្នុងនាវាដែលលិចក្នុងទន្លេ អភិបាលខេត្តកំពង់ចាម លោក អ៊ុន ចាន់ដា ព្រមទាំងថ្នាក់ដឹកនាំមួយចំនួនទៀត៕
ប្រភព៖ ក្រុមប្រតិកម្មរហ័សប្រជាជនខេត្តកំពង់ចាម
