- 2021-08-06 02:38:43
- ព័ត៌មាន
សង្រ្គាមសាសនាដ៏ធំក្នុងប្រវត្តិសាស្ត្រខ្មែរ ដែលនាំឲ្យមានការបំផ្លាញព្រះពុទ្ធបដិមាតាមប្រាសាទនានា
- 2021-08-06 02:38:43
- ចំនួនមតិ 0 | ចំនួនចែករំលែក 0
សង្រ្គាមសាសនាដ៏ធំក្នុងប្រវត្តិសាស្ត្រខ្មែរ ដែលនាំឲ្យមានការបំផ្លាញព្រះពុទ្ធបដិមាតាមប្រាសាទនានា
ចន្លោះមិនឃើញ
ចុងសម័យអង្គរ ក្រោយពីព្រះបាទជយវរ្ម័នទី៨ចូលទិវង្គតទៅ ស្ថានភាពកម្វុជទេឝធ្លាក់ចុះបន្តិចៗម្ដង ដែលបណ្ដាលមកពី ជំលោះសាសនា ការបែកបាក់ផ្ទៃក្នុង ការគំរាមកំហែងពីប្រទេសជិតខាងរួមមាន ម៉ុងហ្គោល លាវ សៀម ជាដើម។ ដោយហេតុនេះ ចុងអង្គរគឺជាសម័យកាលមួយនៃការធ្លាក់ចុះនៃមហាអំណាចខ្មែរ ចាប់ផ្ដើមក្នុងរាជ្យព្រះបាទស្រីសុរិយោពណ៌ទី២ (ពញាយ៉ាត) ចុះរហូតមក។
ដូចដែលយើង បានឃើញស្រាប់ហើយនៅសតវត្សទី១៣ និង១៤ ប្រទេសខ្មែរយើងជួបប្រទះនូវសង្គ្រាមសាសនា ប្រល័យជីវិតឯង គ្មានពេលទំនេរ ។ គេឃើញថាសង្គ្រាមនេះយកសាសនាជាសំបកក្រៅ តែតាមការពិតជាសង្គ្រាមដណ្ដើមអំណាចគ្នាហើយយកក្រុមវណ្ណៈ និងសាសនាមកធ្វើជាឈ្នាន់ ដោយពួកគេបញ្ចុះបញ្ចូលអោយប្រជារាស្ត្រទៅស្លាប់ដើម្បីអំណាចនិងបក្សពួកគេ។
ចម្បាំងខ្មែរ និងខ្មែរបានចេញមុខពេញទីក្នុងឆ្នាំង១២៤៣ ក្នុងរាជព្រះបាទជ័យវរ្ម័ន្តទី៨ ដែលកាន់ព្រហ្មញ្ញសាសនា ដែលនោះគឺជាចម្បាំងសាសនា ដ៏សាហាវឥតប្រមាណ ធ្វើឲ្យខ្ទេចខ្ទីអស់ ហើយព្រះអង្គ ត្រូវឧត្ដមសេនីយ៍ កាន់ព្រះពុទ្ធសាសនាថេរវាទ សម្លាប់នៅឆ្នាំ១២៩៥។ ឧត្ដមសេនីយ៍ នេះបានឡើងជាស្ដេចមានព្រះនាមថា ស្រីឥន្ត្រាវរ័ណ បានរយៈពេល១២ឆ្នាំក្សត្រនេះត្រូវគេសម្លាប់វិញ។ ស្ដេចស្រីឥន្ត្រាជ័យវរ្ម័ន្ត បានឡើងសោយរាជនៅឆ្នាំ១៣០៧ ហើយបន្ទាប់មកគឺស្ដេចជ័យវរ្ម័ន្តទី៩។ ក្សត្រពីចុងក្រោយនេះកាន់ព្រហ្មញ្ញសាសនាដូចគ្នា។
ក្រោយមកចម្បាំងសាសនានៅស្រុកខ្មែរ បានចប់នៅឆ្នាំ១៣៣៦។ មហាបដិវត្តន៍ព្រះពុទ្ធសាសនាបានកើតឡើង ពេញនគរខ្មែរទាំងមូល។ ពួកកាន់ព្រះពុទ្ធសាសនាថេរវាទ បានជោកជ័យទាំងអស់។ ព្រះមហាក្សត្រជ័យវរ្ម័នទី៩ ត្រូវបានគេធ្វើឃាត ព្រមទាំងគ្រួសារជិតឆ្ងាយ អ្នកសម្ព័ន្ធមិត្ត អ្នកបម្រើ ត្រូវគេសម្លាប់គ្មានសល់។
ព្រោះតែចម្បាំងខ្មែរនិងខ្មែរ ចម្បាំងមកពីសាសនាអស់៩៣ឆ្នាំ រវាងអ្នកកាន់ព្រះពុទ្ធសាសនាថេរវាទ, អ្នកកាន់ព្រហ្មញ្ញសាសនា និងអ្នកកាន់ព្រះពុទ្ធសាសនាមហាយាន។ ហើយការបែកបាក់អង្គរនេះ មិនមែនមកពីមានទឹកជំនន់ ដូចលោកសើដែស សរសេរកាលពីឆ្នាំ១៩៤៧នោះទេ៕
