- 2021-11-29 09:27:08
- ព័ត៌មាន
សម្តេចក្រុមព្រះ និងសម្តេចព្រះរៀម ព្រះប្រសូតក្នុងខែតែមួយ និងសោយព្រះទិវង្គត-ពិលាល័យក្នុងខែតែមួយ
- 2021-11-29 09:27:08
- ចំនួនមតិ 0 | ចំនួនចែករំលែក 0
សម្តេចក្រុមព្រះ និងសម្តេចព្រះរៀម ព្រះប្រសូតក្នុងខែតែមួយ និងសោយព្រះទិវង្គត-ពិលាល័យក្នុងខែតែមួយ
ចន្លោះមិនឃើញ
សម្តេចរាជបុត្រីព្រះរៀម នរោត្តម បុប្ផាទេវី និងសម្តេចក្រុមព្រះ នរោត្តម រណឫទ្ធិ ជាព្រះរាជបុត្រាបុត្រី នៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត និងអ្នកម្នាង ផាត់ កាញ៉ុល នាដការី នៃរបាំព្រះរាជទ្រព្យ។
សម្តេចរាជបុត្រីព្រះរៀម ព្រះប្រសូតនៅថ្ងៃទី០៨ ខែមករា ឆ្នាំ១៩៤៣ សម្តេចក្រុមព្រះ ព្រះប្រសូតនៅថ្ងៃទី០២ ខែមករា ឆ្នាំ១៩៤៤ ។ សម្តេចរាជបុត្រីព្រះរៀម សោយព្រះពិលាល័យ ថ្ងៃទី១៨ ខែវិច្ឆិកា ឆ្នាំ២០១៩ សម្តេចក្រុមព្រះ សោយព្រះទិវង្គត ថ្ងៃទី២៨ ខែវិចិ្ឆកា ឆ្នាំ២០២១។
សម្តេចក្រុមព្រះ នរោត្តម រណឫទ្ធិ ជាព្រះប្រធានគណបក្សហ្វ៊ុនស៊ិនប៉ិច និងព្រះប្រធានក្រុមប្រឹក្សាផ្ទាល់របស់ព្រះមហាក្សត្រ។ ព្រះអង្គធ្លាប់ធ្វើជានាយករដ្ឋមន្រ្តីទីមួយនៃរដ្ឋាភិបាលកម្ពុជា និងធ្លាប់ធ្វើជាប្រធានរដ្ឋសភាជាតិ។
កាលនៅមានព្រះជន្មនៅឡើយ ព្រះអង្គធ្លាប់ជាអ្នកនយោបាយឆ្នើមមួយរូប និងជាអ្នកស្រាវជ្រាវ និងសាស្រ្តាចារ្យផ្នែកច្បាប់នៅប្រទេសបារាំង ដោយបានរៀនចប់ផ្នែកច្បាប់នៅសាកលវិទ្យាល័យប្រទេសបារាំង។ ព្រះអង្គប្រឡូកក្នុងឆាកនយោបាយអស់រយៈពេលជិត ៤០ ឆ្នាំ តាំងពីចូលក្រុមរាជានិយមហ្វ៊ុនស៊ិនប៉ិចនៅឆ្នាំ ១៩៨៣៕
ប្រភព៖ Royal Du Cambodge