​កម្មវិធី Starting Up ​សប្ដាហ៍​ទី២២នេះ​ ប្រិយមិត្តនឹង​ទទួល​បាន​បទពិសោធន៍​ពី​ការ​បើក​អាជីវកម្មរកសុី​ គន្លឹះថ្មី​ពីដំណើរការអាជីវកម្ម​ដំបូង​ពី​ភ្ញៀវកិត្តិយស ដែលជានាយិកាក្រុមហ៊ុន នាំចេញអង្ករសរីរាង្គ Amru Rice។ អ្នកស្រី ឃី មុនី នឹងចូលខ្លួនមកបើកកកាយជីវប្រវត្តិ ការសិក្សា បទពិសោធន៍ការងារ ដំណើរជីវិត មុនឈានជើងមកដល់ភាពជោគជ័យដល់ពេលបច្ចុប្បន្ន។

អ្នកស្រី ឃី មុនី ជានិស្សិតដែលបានបញ្ចប់ថ្នាក់បរិញ្ញាប័ត្រផ្នែកគណនេយ្យ​ នៅសាកលវិទ្យាល័យភូមិន្ទនិតិសាស្រ្តនិងវិទ្យាសាស្រ្តសេដ្ឋកិច្ច។ បើនិយាយទៅដល់ជីវិតការងារ អ្នកស្រី ធ្លាប់ធ្វើជាអ្នកហាត់ការ ផ្នែកគណនេយ្យ​នៅក្រុមហ៊ុនមួយនៅ ទីក្រុងភ្នំពេញ។

ក្រុមហ៊ុន Amru Rice ទើបចាប់ផ្តើមនៅឆ្នាំ ២០១៣ ដោយទទួលបានការគាំទ្រយ៉ាងខ្លាំងក្នុងស្រុក។ រហូតដល់​ឆ្នាំ​ ​២០១៧ អ្នកស្រី ឃី មុនី ដែលជានាយិកា​ក្រុមហ៊ុននាំចេញអង្ករសរីរាង្គទៅកាន់ក្រៅប្រទេសនេះ ទទួលពានរង្វាន់សហគ្រិន​ស្ត្រី​វ័យ​ក្មេង​ដ៏​ឆ្នើម​បំផុត។

អ្នកស្រី មុនី បង្កើតក្រុមហ៊ុន Amru Rice ដោយបានផ្តល់ឱ្យក្រុមគ្រួសារ​កសិករ​ អាច​ផលិត​អង្ករ​សរីរាង្គ​របស់​ខ្មែរ​​នាំ​ចេញ​ទៅ​បរទេស ជាង​ ​៤០ ​ប្រទេស​ ជួយ​ដល់កសិករ​ខ្មែរ​ច្រើនជាង ៥​ ពាន់​គ្រួសារ។ ចំពោះមហិច្ឆតា ចង់​​ក្លាយជាក្រុមហ៊ុនស្ដង់ដារអន្តរជាតិឈានមុខគេនាំចេញអង្ករសរីរាង្គ ស្នាដៃកសិករខ្មែរ ទៅកាន់ទីផ្សារអឺរ៉ុប និងផ្ដល់ការងារជូនយុវជន-យុវតីជាច្រើនពាន់នាក់។

​ចង់​ជ្រាប​កាន់​តែ​ច្បាស់​កុំភ្លេចរង់ចាំជួបជាមួយនឹងអ្នកស្រី ឃី មុនី នាយិកាក្រុមហ៊ុន Amru Rice នាំចេញអង្ករសរីរាង្គទៅកាន់ក្រៅប្រទេស នៅក្នុងកម្មវិធី Starting Up សប្ដាហ៍ទី២២នេះ នៅថ្ងៃសៅរ៍ ទី១៨ ខែធ្នូ ឆ្នាំ ២០២១ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Up ក៏ដូចជា channel YouTube "Sabay TV" និងស្ដាប់ជាសំឡេង Podcast "Starting Up" ៕