- 2022-01-20 09:23:10
- ព័ត៌មាន
ត្រៀមជួប លោក អៀ អ៊ុយ អ្នកផលិតហ្គេមរបស់ខ្មែរ "Osja Studio" ល្បីខ្លាំងដល់ប្រទេសជប៉ុន
- 2022-01-20 09:23:10
- ចំនួនមតិ 0 | ចំនួនចែករំលែក 0
ត្រៀមជួប លោក អៀ អ៊ុយ អ្នកផលិតហ្គេមរបស់ខ្មែរ "Osja Studio" ល្បីខ្លាំងដល់ប្រទេសជប៉ុន
ចន្លោះមិនឃើញ
កម្មវិធីជជែកពីមុខជំនួញ Starting Up ឈានចូលដល់សប្តាហ៍ថ្មី ដោយនាំប្រិយមិត្តទៅជួបជាមួយនឹងភ្ញៀវកិត្តិយសមួយរូប ដែលមានបទពិសោធន៍យូរឆ្នាំក្នុងវិស័យផលិតហ្គេម។ លោក អៀ អ៊ុយ ជាស្ថាបនិកហ្គេមខ្មែរ នឹងចូលខ្លួនមកបកស្រាយអំពីប្រវត្តិនិងការតស៊ូរហូតអាចផលិតហ្គេមល្បីដល់ប្រទេសជប៉ុន។
លោក អៀ អ៊ុយ ជាស្ថាបនិកហ្គេមខ្មែរដែលល្បីខ្លាំងដល់ប្រទេសជប៉ុន "Asva the Monkey" បានប្រឡូកការងារដំបូងក្នុងឆ្នាំ ២០០៣។ លោកធ្លាប់ធ្វើជាជំនួយការផ្នែកគណនេយ្យនៅក្នុងក្រុមហ៊ុនឯកជនមួយកន្លែង ដោយទទួលបានតម្លៃពលកម្ម ១៥០ ដុល្លារប៉ុណ្ណោះក្នុងមួយខែ។ ក្នុងបទពិសោធន៍ប្រកបអាជីពការងារដំបូងនោះ លោកក៏ធ្លាប់ធ្វើការងារស្ម័គ្រចិត្តជាច្រើនឆ្នាំជាជាងជួសជុលកំព្យូទ័រនៅពេលទំនេរៗ ដោយមិនទទួលបានប្រាក់កម្រៃអ្វីឡើយ។
លោក និងមិត្តភក្តិលោកចំនួន ៣ នាក់ទៀត បានរួមគ្នាបង្កើតជាក្រុមហ៊ុនផលិតហ្គេមទូរស័ព្ទមួយដែលមានឈ្មោះថា អស្ចារ្យស្ទូឌីយោ។ អស្ចារ្យស្ទូឌីយោ ត្រូវបានបង្កើតឡើងកាលពីឆ្នាំ ២០១១។ ដោយសារតែការប្រើប្រាស់ទូរស័ព្ទ Smartphone បាន និងកំពុងតែកើនឡើងជាលំដាប់ មានក្រុមហ៊ុន និងក្រុមអ្នកផលិតហ្គេមជាច្រើនចាប់ផ្តើមធ្វើការផលិតហ្គេមប្រជែងគ្នា ដើម្បីទាក់ទាញចំណាប់អារម្មណ៍របស់អ្នកលេង។
ការខិតខំប្រឹងប្រែង និងគំនិតច្នៃប្រឌិតរបស់លោក អ៊ុយ និងក្រុមការងាររបស់លោកបានផ្តល់ជាផ្លែផ្កានៅពេលដែលលោកបានឈ្នះការប្រកួតពានរង្វាន់សហគ្រិនវ័យក្មេងកម្ពុជា បង្កើតឡើងដោយ JCI និងសមាគមសហគ្រិនវ័យក្មេងកម្ពុជា ដែលធ្វើឡើងដើម្បីលើកទឹកចិត្តសហគ្រិនវ័យក្មេងក្នុងស្រុកដោយលោក អ៊ុយ បានជាប់ជាសហគ្រិនដែលមានគំនិតច្នៃប្រឌិតខាងបច្ចេកវិទ្យាខ្ពស់ (Outstanding High-Tech Business Award)។
ចង់ដឹងថាដំណើ់រអាជីពជាអ្នកផលិតហ្គេម ជួបប្រទះការលំបាក ឫ ឧបសគ្គអ្វីខ្លះ? រួមជាមួយភាពជោគជ័យរហូតដល់សព្វថ្ងៃនេះបែបណា? កុំភ្លេចរង់ចាំទស្សនា កម្មវិធី Starting Up សប្ដាហ៍ថ្មីទី២៧នេះ ដោយជួបជាមួយនឹងលោក អៀ អ៊ុយ នៅថ្ងៃទី ២២ ខែមករា ឆ្នាំ ២០២២ វេលាម៉ោង ១០ព្រឹក នៅលើទំព័រហ្វេសប៊ុកផេកផ្លូវការរបស់កម្មវិធី Starting Up ក៏ដូចជា channel YouTube "Sabay TV" និងស្ដាប់ជាសំឡេង Podcast "Starting Up" ៕