ំមិនឈប់ទេ ឃឹម ហ្វីណង់ ត្រៀមយុទ្ធសាស្ត្រថែម ធ្វើឲ្យភ្ញៀវចូលភូមិព្រះដាក់ហើយដឹងតែជាប់ចិត្ត

2022-06-17 09:41:38
ព័ត៌មាន

2022-06-17 09:41:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្លែងនៅក្នុងកម្មវិធី "ជជែកអំពីទេសចរណ៍កម្ពុជា" ក្រោមប្រធានបទ "សក្ដានុពលកសិ-ទេសចរណ៍ស្រុកបន្ទាយស្រី ភ្ញៀវទេសចរអាចមកមើល និងធ្វើ" របស់សហភាពសហព័ន្ធយុវជនកម្ពុជា លោក ឃឹម ហ្វីណង់ បង្ហើបថា លោកមានផែនការដើម្បីប្រែក្លាយភូមិព្រះដាក់នៃស្រុកបន្ទាយស្រីបន្ថែមទៀត។

ភូមិព្រះដាក់ បច្ចុប្បន្នគឺជាភូមិដែលមានសក្ដានុពលទេសចរណ៍បំផុតនៃស្រុកបន្ទាយស្រីក្នុងចំណោមភូមិទាំង ៣៦ ក្រោយការកែទម្រង់ក្រោមផែនការអភិវឌ្ឍរបស់អភិបាលស្រុកវ័យក្មេង។ ក្រោយប្រែមុខមាត់ ភូមិនេះ ក៏ស្ថិតក្នុងផែនការមេរបស់រាជរដ្ឋាភិបាលអភិវឌ្ឍន៍ខេត្តសៀមរាបឆ្នាំ ២០២១-២០៣៥ ដោយព្រះដាក់ ត្រូវដាក់ជាភូមិអាទិភាពសម្រាប់ការអភិវឌ្ឍបន្ថែម។

ស្របតាមផែនការមេរបស់រាជរដ្ឋាភិបាលនេះ លោក ឃឹម ហ្វីណង់ បានបង្ហើបថា លោកមានផែនការ ប្រែក្លាយភូមិព្រះដាក់ ឲ្យទៅជាភូមិនៃបដិសណ្ឋារកិច្ច ដើម្បីផ្ដល់នូវភាពពេញចិត្តពេញថែមទៀតសម្រាប់ភ្ញៀវទេសចរដែលបានមកដល់មូលដ្ឋាន។ ផែនការនេះ លោកចង់ឲ្យប្រជាពលរដ្ឋផ្ដើមមាន ឬយល់ពីគំនិតបែបបដិសណ្ឋារកិច្ចកាន់តែច្រើន។

“ចំណុចនេះ ខ្ញុំចង់ឲ្យពួកគាត់យល់ថា ក្នុងពេលដែលភ្ញៀវមកលេងភូមិព្រះដាក់របស់យើងនេះ គឺយើងជាអ្នកធ្វើបដិសណ្ឋារកិច្ច!”។

ក្នុងផែនការនេះ លោក ឃឹម ហ្វីណង់ បញ្ជាក់ថា មានសកម្មភាពមួយចំនួនដែលត្រៀមអនុវត្តដើម្បីសម្រេចផែនការប្រែក្លាយ "ភូមិព្រះដាក់" ជាភូមិបដិសណ្ឋារកិច្ច ក្នុងនោះមាន ៣ចំណុចសំខាន់ៗ៖

១.ភាពរួសរាយរាក់ទាក់ពីអ្នកភូមិ៖ លោក ឃឹម ហ្វីណង់ បញ្ជាក់ថា លោកចង់អ្នកភូមិមានភាពរួសរាយរាក់ទាក់ច្រើនជាងមុន។ "ខ្ញុំមិនរំពឹងអីច្រើនពីពួកគាត់ទេ យើងគ្រាន់តែចង់ឲ្យគាត់មានទម្លាប់រួសរាយ រាក់ទាក់ ញញឹម ព្រោះជាវប្បធម៌របស់ខ្មែរ យើងត្រូវតែញញឹម ត្រូវចេះសំពះ...យើងត្រូវបង្ហាញពីការស្វាគមន៍។ ក្រៅពីនេះ យើងចង់ភូមិព្រះដាក់ ត្រូវតែស្អាត អនាម័យ មិនមានសម្រាមនៅកន្លែងលក់ដូរ ព្រោះទេសចរណ៍វាត្រូវការស្អាត មានអនាម័យ។

២.ភាពស្មោះត្រង់៖ លោក ហ្វីណង់ បញ្ជាក់ថាក្នុងផែនការ លោកសូមឲ្យបងប្អូនអ្នកលក់រក្សាគោលការណ៍កំណត់តម្លៃមួយសមរម្យលើទំនិញក្នុងមូលដ្ឋាន ដោយមិនអាចឡើងចុះតាមឱកាសនោះទេ ឬក៏យកទំនិញក្រៅពីភូមិព្រះដាក់ មកកុហកថារបស់អ្នកភូមិព្រះដាក់នោះទេ។

៣.មោទកភាពជាមួយអត្តសញ្ញាណខ្លួនឯង៖ ចំណុចនេះ លោកចង់បង្កើតឲ្យអ្នកភូមិព្រះដាក គាត់មានអារម្មណ៍មោទកភាពនឹងអត្តសញ្ញាណរបស់ខ្លួនឯង។ "ចំណុចនេះ បានន័យថាយើងមិនលើកទឹកចិត្តឲ្យគាត់ប្រែក្លាយ ឬធ្វើទំនើបកម្មនូវសេវាកម្ម ឬផលិតផលរបស់ពួកគាត់នោះទេ គឺចង់រក្សានូវភាពបូរាណរបស់គាត់ ប្រពៃណីបូរាណរបស់គាត់"។

រូបភាព៖ហ្វេសប៊ុក ឃឹម ហ្វីណង់

លោកបន្តថា ប្រជាពលរដ្ឋក្នុងមូលដ្ឋាន ត្រូវមានមោទកភាពជាមួយនឹងអ្វីដែលរបស់ខ្លួនឯង នឹងភាពបូរាណរបស់គាត់ ដែលជាចំណុចខុសប្លែកពីគេ។ នេះជាផែនការដែលលោក ឃឹម ហ្វីណង់ គ្រោងនឹងលើកកម្ពស់បន្ថែមទៀត ខណៈកន្លងមកបានធ្វើជាហូរហែមកហើយ។ លោកលើកឡើងថា មិនត្រឹមតែភូមិព្រះដាក់ទេ ប៉ុន្តែលោកសង្ឃឹមថា ភូមិដទៃទៀតនៃស្រុកបន្ទាយស្រី នឹងទទួលយកអារម្មណ៍ នៃបដិសណ្ឋារកិច្ចនេះ សម្រាប់ការទទួលស្វាគមន៍ភ្ញៀវទេសចរណ៍មកលេងភូមិស្រុករបស់ខ្លួន៕

អត្ថបទ៖ ទារិកា