- 2022-08-15 07:33:26
- សេដ្ឋកិច្ច
ឥឡូវមានជ្រូកមួយប្រភេទឈ្មោះ "ជ្រូកគូលេន" អាំងឆ្ងាញ់ កំពុងល្បីនៅសៀមរាប
- 2022-08-15 07:33:26
- ចំនួនមតិ 0 | ចំនួនចែករំលែក 0
ឥឡូវមានជ្រូកមួយប្រភេទឈ្មោះ "ជ្រូកគូលេន" អាំងឆ្ងាញ់ កំពុងល្បីនៅសៀមរាប
ចន្លោះមិនឃើញ
បន្ទាប់ពីជ្រូកកណ្ដុរដែលល្បីល្បាញក្នុងចង្កោមអ្នកនិយមហូបសាច់ជ្រូកអាំង ឥឡូវនេះមានចេញប្រភេទជ្រូកមួយទៀត ហៅថា "ជ្រូកគូលែន" បង្កាត់ពូជដោយសហគមន៍ក្នុងតំបន់ កំពុងល្បីថាឆ្ងាញ់នៅខេត្តសៀមរាប។
នេះផលិតផលថ្មីមួយ របស់សហគមន៍ព្រៃអន្លូងធំ នៃស្រុកស្វាយលើ ស្របតាមគម្រោងភូមិមួយផលិតផលមួយ។ តាមវីដេអូផលិតដោយ ក្រសួងបរិស្ថាន បានឲ្យដឹងថា ជ្រូកប្រភេទថ្មីនេះ សហគមន៍ចិញ្ចឹមតាមបែបធម្មជាតិ ដោយព្រលែង។ ស្ថានភាពនេះ នាំឲ្យបានទៅជួបជាមួយជ្រូកបារ ឬជ្រូកព្រៃ ហើយបង្កាត់ពូជបានពូជជ្រូកថ្មី ដោយមិនមែនជាជ្រូកព្រៃ ឬជ្រូកស្រុក តែជាពូជថ្មីហៅថា "ជូ្រកគូលែន"។
ជ្រូកពូជថ្មីនេះ មានសម្បុរឆ្នូតៗ ក្រហម ខ្មៅ លាយលឿង។ ផលប្រយោជន៍សាច់នៃជ្រូកពូជថ្មីនេះ គឺកំពុងពេញនិយមសម្រាប់ការអាំងលក់ក្នុងសហគមន៍។ តាមលោក នច នៀវ ប្រជាពលរដ្ឋក្នុងសហគមន៍បានឲ្យដឹងថា បច្ចុប្បច្ន ជ្រូកអាំង ច្នៃចេញពីជ្រូកគូលែននេះ បាន និងកំពុងទទួលបានការសរសើរពីភ្ញៀវទេសចរទាំងឡាយ។
ជ្រូកគូលែន ត្រូវបានអាំងដោយលាយជាមួយគ្រឿងទេសមានដូចជា ទឹកឃ្មុំ អំបិលម្ទេស និងគ្រឿងផ្សំមួយចំនួនទៀត។ ជ្រូកមួយ ត្រូវចំណាយពេលចម្អិន ប្រមាណ ២-៣ម៉ោង។ តម្លៃនៃជ្រូកគូលែនអាំង១ក្បាល មានតម្លៃចាប់ពី ៦០ម៉ឺនរៀលឡើងទៅ។ លោក នច នៀវ បញ្ជាក់ថា តម្លៃនេះ គឺជាតម្លៃថេរ កំណត់ដោយសហគមន៍ ដោយមិនមានឡើងចុះនោះទេ៕