- 2022-09-29 03:54:28
- ព័ត៌មាន
លោក Xi កាន់តែឈឺក្បាល! ផ្ទុះការតវ៉ាដ៏ធំមួយនៅក្នុងប្រទេសចិន ប្រឆាំងការបិទ Covid ថ្មី!
- 2022-09-29 03:54:28
- ចំនួនមតិ 0 | ចំនួនចែករំលែក 0
លោក Xi កាន់តែឈឺក្បាល! ផ្ទុះការតវ៉ាដ៏ធំមួយនៅក្នុងប្រទេសចិន ប្រឆាំងការបិទ Covid ថ្មី!
ចន្លោះមិនឃើញ
ប្រធានាធិបតីចិនលោក Xi Jinping កំពុងបន្តជាមួយនឹងគោលនយោបាយសូន្យ Covid ដ៏ខ្លាំងក្លារបស់ទីក្រុងប៉េកាំង ដែលព្យាយាមតាមដានរាល់ករណីនៃមេរោគនេះ មុនពេលសមាជបក្សកុម្មុយនិស្តនៅខែក្រោយ ដែលលោកសង្ឃឹមថា នឹងត្រូវបានតែងតាំងសម្រាប់អាណត្តិទីបីទៀត ដែលជាករណីមិនធ្លាប់មានពីមុនមក។
ពលរដ្ឋចិនរាប់រយនាក់នៅក្នុងទីក្រុង Shenzhen ភាគខាងត្បូងបានតវ៉ាប្រឆាំងនឹងការបិទខ្ទប់ដែលដាក់ដោយអាជ្ញាធរ។ វីដេអូមួយពីទីក្រុងក្នុងខេត្ត Guangdong ភាគខាងត្បូង បានបង្ហាញពីអ្នកស្រុកដែលមានកំហឹងប្រឈមមុខនឹងមន្ត្រីប៉ូលីសដែលពាក់ឧបករណ៍ការពារវេជ្ជសាស្ត្រពណ៌ខៀវ រួមទាំងសម្លៀកបំពាក់ របាំងមុខ និងវ៉ែនតាប្លាស្ទិក។
បាតុករនៅក្នុងហ្វូងមនុស្សបានស្រែកថា "ដកការបិទខ្ទប់ចេញទៅ!" ខណៈពេលដែលប៉ះទង្គិចពាក្យសំដី និងរាងកាយជាមួយប៉ូលីសដែលព្យាយាមរារាំងពួកគេដោយខែលដែកការពារ។ មនុស្សមួយចំនួននៅក្នុងហ្វូងមនុស្សត្រូវបានគេឃើញគប់ដបទឹកដាក់សមត្ថកិច្ចដែលបានធ្វើការចាប់ខ្លួនមួយចំនួន។
នៅក្នុងឃ្លីបមួយ គេអាចលឺស្ត្រីម្នាក់ស្រែកថា "ប៉ូលីសកំពុងវាយមនុស្ស" ។ ដោយឡែកមន្ត្រី ក៏បានលើកបដាសរសេរដែរថា "សូមចូលរួមសហការផង ព្រោះប៉ូលិសកំពុងអនុវត្តច្បាប់"៕