• 2023-02-22 03:59:18
  • ព័ត៌មាន

រឿង​​ផ្ទាល់ខ្លួន! ឯកឧត្តម យឹម លុច្ស ៖ មុន​ពេល​វះកាត់ប្ដូរថ្លើម ពេទ្យ​ថាខ្ញុំ​រស់បានតែ​៦ខែ​ទៀត​ប៉ុណ្ណោះ!

  • 2023-02-22 03:59:18
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកឧត្តម យឹម លុច្ស អតីត​អភិបាលរងនៃគណៈអភិបាល​ខេត្ត​មណ្ឌល​គីរី គឺ​ជា​ពលរដ្ឋ​កម្ពុជា​ម្នាក់​ដែល​ធ្លាក់​ខ្លួន​រងគ្រោះ​ដោយ​សារ​ជំងឺ​ថ្លើម​ធ្ងន់ធ្ងរ រហូត​ដល់​ពេទ្យ​បាន​ព្យាករណ៍​ថា ឯកឧត្តម​អាច​រស់រាន​បាន​​តែ​ប្រមាណ ៦ខែ​ទៀត​ប៉ុណ្ណោះ ប៉ុន្តែ​បច្ចុប្បន្ន​ឯកឧត្តម​បាន​ឆ្លង​ផុត​ដំណាក់​កាល​ដ៏​ផុយ​ស្រួយ​នោះ​ហើយ។

ឯកឧត្តម យឹម លុច្ស អតីត​អភិបាលរងនៃគណៈអភិបាល​ខេត្ត​មណ្ឌល​គីរី និង​លោក​ជំទាវ

ឯកឧត្តម បាន​លាត​ត្រដាង​ពី​ករណី​នេះ ក្នុង​ថ្ងៃ​ជួប​វេជ្ជបណ្ឌិត​ជនជាតិ​ឥណ្ឌា​មួយ​រូប​នៅ​កម្ពុជា​កាល​ពី​សប្ដាហ៍​មុន។ ឯកឧត្តម យឹម លុច្ស ដែល​បច្ចុប្បន្ន​បាន​ចូល​និវត្តន៍​ពី​ការងារ​មន្ត្រីរាជការ​ទៅ​ហើយ បាន​ចែក​រំលែក​ថា ដើម​ឡើយ​ឯកឧត្តម មិន​បាន​ដឹង​ថា ខ្លួន​ឯង​មាន​ជំងឺ​នេះ​នោះ​ទេ ព្រោះ​សុខភាព​នៅ​ប្រក្រតី​សព្វយ៉ាង ពោល​គឺ​មិន​មាន​អាការ​អ្វី​ឲ្យ​កត់​សម្គាល់​ទាល់​តែ​សោះ។

ប៉ុន្តែ​វេលា​មួយ ឯកឧត្តម បាន​ទៅឆែក​សុខភាព​នៅ​ប្រទេស​ឥណ្ឌា ស្រាប់​តែ​លទ្ធផល​ចេញ​មុខ ឯកឧត្តម​មាន​ជំងឺ​មហារីក​ថ្លើម។ លទ្ធផល​នេះ​បាន​ធ្វើ​ឲ្យ​ឯកឧត្តម​ស្លុត​ចិត្ត ព្រោះ​ថា​ជំងឺ​នេះ ស្ទើរ​មិន​មាន​ភាគរយ​ថា​អាច​ស្រោចស្រង់​បាន សូម្បី​ឯកឧត្តម​ខ្លួន​ឯង​ក៏​មិន​មាន​សង្ឃឹម​ដែរ។

លោក​វេជ្ជបណ្ឌិត​ Arvinder Singh Soin គ្រូ​ពេទ្យ​ឯកទេស​ខាង​ព្យាបាល​ជំងឺ​ថ្លើម​គ្រប់​ប្រភេទ​នៃ​មន្ទីរពេទ្យ Medanta Medicity នៃ​ប្រទេស​ឥណ្ឌា

យ៉ាងណា ក្រោយ​ដឹង​ថាខ្លួន​បញ្ហា​សុខភាព​ធ្ងន់ធ្ងរ ឯកឧត្តម ក៏​បាន​ស្វះស្វែង​​ទៅ​ជួប​លោក​វេជ្ជបណ្ឌិត​ជនជាតិ​ឥណ្ឌា​ឈ្មោះ Arvinder Singh Soin គ្រូ​ពេទ្យ​ឯកទេស​ខាង​ព្យាបាល​ជំងឺ​ថ្លើម​គ្រប់​ប្រភេទ​នៃ​មន្ទីរពេទ្យ Medanta Medicity នៃ​ប្រទេស​ឥណ្ឌា។ ដុកទ័រ​រូប​នេះ​ហើយ​ដែល​បាន​ទាញ​ឯកឧត្តម​ចេញ​ពី​ក្រញុំា​យមរាជ​មក​វិញ។

ឯកឧត្តម​ថ្លែង​ថា “ពេល​ខ្ញុំ​ទៅ​ដល់​មន្ទីរពេទ្យ​របស់​គាត់ ខ្ញុំ​ឃើញ​អក្សរ​ខ្មែរ​គេ​សរសេរ​ថា "គូ្រពេទ្យ​ទេវតា" មែន...ហើយ​និយាយ​ឲ្យ​មែន​ទែន​ទៅ ជំងឺ​ខ្ញុំ​មុន​ពេល​វះកាត់ ពេទ្យ​បាន​ត្រឹម​​ថា​ ខ្ញុំ​អាច​រស់​បាន​តែ ៦ខែ​ទៀត​ទេ ថ្ងៃ​​ស្លាប់​របស់​ខ្ញុំ គឺ​នៅ​ខែ​១១​ឆ្នាំ​មុន​នេះ...ឥឡូវ​ដុកទ័រ Soin បាន​ជួយ​ខ្ញុំ ហើយ​ពាក្យ​ដែល​គេ​ហៅ​គាត់​ថា​ជា​គ្រូពេទ្យ​ទេវតា គឺ​ពិត​ជា​ត្រូវ​មែន”។

គិត​មក​ដល់​ពេល​នេះ ឯកឧត្តម យឹម លុច្ស បាន​ធ្វើ​ការ​វះកាត់​ប្ដូរ​ថ្លើម បានរយៈ​ពេល​ជាង ៥ខែជាងហើយ។ ឯកឧត្តម បញ្ជាក់​ថា ពេល​នេះ​ឯកឧត្តម​មាន​សុខភាព មិន​មាន​បញ្ហា ឬ​អាការ​អ្វី​ឡើយ ពោល​គឺ​ពិសារ​បាន សម្រាន្ត​លក់​ស្រួល។

ឆ្លង​តាម​បទ​ពិសោធន៍​ផ្ទាល់​ខ្លួន ឯកឧត្តម បាន​ក្រើន​រំលឹក​ដល់​បង​ប្អូន​ជនរួម​ជាតិ ឲ្យ​ឧស្សាហ៍​តាម​ដាន និង​ឆែក​សុខភាព ករណី​រក​ឃើញ​ជំងឺ​អ្វី ពិសេស​គឺ​ជំងឺ​ថ្លើម​នេះ គឺ​អាច​ព្យាបាល​ទាន់​ពេល។ ប្រសិន​បើ​មិន​ឆែក ហើយ​ទុក្ខ​រហូត​ដល់​ទុំជោរ ដូច​ករណី​ឯកឧត្តម រក​ឃើញ​ពេល​ជំងឺ​ចូល​ដល់​កម្រិត​ទី៤ ដែល​ជា​កម្រិត​ហានិភ័យ​ខ្ពស់​បំផុត​ទៅ​ហើយ គឺ​ប្រឈម​នឹង​ហានិភ័យ​ខ្ពស់។ យ៉ាង​ណា​ឯកឧត្តម​សង្កត់​ធ្ងន់​ថា ក៏​កុំ​បារម្ភ​ពេក ព្រោះ​មាន​ដុកទ័រ Arvinder Singh Soin គាត់​អាច​ជួយ​យើង​បាន៕

អត្ថបទ៖ ទារិកា

មតិយោបល់