- 2016-01-26 16:14:11
- ព័ត៌មាន
អ្នកខេត្តពោធិ៍សាត់នឹងទទួលបានការវះកាត់ជំងឺដោយឥតគិតថ្លៃពីក្រុមគ្រូពេទ្យស្ម័គ្រចិត្តខ្មែរនៅអាមេរិក
- 2016-01-26 16:14:11
- ចំនួនមតិ 0 | ចំនួនចែករំលែក 0
អ្នកខេត្តពោធិ៍សាត់នឹងទទួលបានការវះកាត់ជំងឺដោយឥតគិតថ្លៃពីក្រុមគ្រូពេទ្យស្ម័គ្រចិត្តខ្មែរនៅអាមេរិក
ចន្លោះមិនឃើញ
ប្រជាពលរដ្ឋដែលរស់នៅខេត្តពោធិ៍សាត់នឹងទទួលបានការវះកាត់ព្យាបាលជំងឺ ពីសំណាក់សមាគម សុខាភិបាលខ្មែរនៅអាមេរិក (CHPAA) ដោយសហការជាមួយ មន្ទីរសុខាភិបាលខេត្តពោធិ៍សាត់។
អ្នកស្រីពៅ ធីតាអ្នកសម្របសម្រួលគម្រោងបានឱ្យដឹងថា CHPAA បានធ្វើការចុះព្យាបាលដោយឥតគិតថ្លៃបែបនេះជាលើកទី៦ហើយ ដោយមានគ្រូពេទ្យស្ម័គ្រចិត្តចូលរួមចំនួន ៧០ នាក់។ ចំពោះជំងឺដែលសមាគមទទួលព្យាបាលមានដូចជាជំងឺទូទៅទាំងកុមារនិងមនុស្សចាស់ បញ្ហាមាត់ធ្មេញ រោគស្ត្រី ដុះដុំសាច់ ជំងឺ ORL ឆែបមាត់ ពកក ដុះសាច់បំពង់ក និង ក្លន។
ក្រៅពីនេះមនុស្សចាស់ដែលមានបញ្ហាភ្នែកនឹងទទួលបានវ៉ែនតា ឯជនពិការពាក់កណ្ដាលកំភួនដៃនឹងទទួលបានដៃសិប្បនិម្មិត។
សម្រាប់ប្រជាពលរដ្ឋដែលរស់នៅទីនោះអាចទទួលយកការព្យាបាលតាមទីតាំងខាងក្រោម៖
ថ្ងៃទី ២៥ ដល់ថ្ងៃ ទី ៣០ ខែមករា នៅមន្ទីរពេទ្យបង្អែកខេត្តពោធិ៍សាត់ ថ្ងៃទី ២៦ និង ២៧ ខែមករា នៅមណ្ឌលសុខភាពស្យា ឃុំកណ្ដៀង ថ្ងៃទី ២៨ និង ទី២៩ ខែមករា នៅមណ្ឌលសុខភាពព្រៃស្ដុក ឃុំកណ្ដៀង ថ្ងៃទី១ ដល់ទី ៦ ខែកុម្ភៈ ក្រុមវះកាត់នៅមន្ទីរពេទ្យបង្អែកខេត្តពោធិ៍សាត់៕
អត្ថបទ៖ ណេង ណេង រូបថត៖ ផ្ដល់ឱ្យ