- 2017-03-14 08:03:29
- ព័ត៌មាន
សរសេរសំបុត្រសុំមិត្តស្រីរៀបការ ៣ឆ្នាំ ទម្រាំទទួលចម្លើយតប
- 2017-03-14 08:03:29
- ចំនួនមតិ 0 | ចំនួនចែករំលែក 0
សរសេរសំបុត្រសុំមិត្តស្រីរៀបការ ៣ឆ្នាំ ទម្រាំទទួលចម្លើយតប
ចន្លោះមិនឃើញ
Candice Catherine រស់នៅទីក្រុងស៊ីដនី ប្រទេសអូស្ត្រាលី បានទទួលសំបុត្រស្នេហាចំនួន១៤ច្បាប់ អំឡុងពេលមានទំនាក់ទំនងស្នេហារយៈពេល ៣ឆ្នាំជាមួយមិត្តប្រុសរបស់ខ្លួន។
គ្រប់សំបុត្រស្នេហាទាំងអស់សុទ្ធតែចាប់ផ្ដើមដោយអក្សរដិតធំជាមួយពាក្យ "រៀបការជាមួយខ្ញុំបានទេ?” មុននឹងចូលដល់ខ្លឹមសារនៃអត្ថបទ។ លោក Timothy ជាមិត្តប្រុសបានផ្ញើសំបុត្រលើកដំបូង គឺត្រឹមតែមួយសប្ដាហ៍ប៉ុណ្ណោះបន្ទាប់ពីពួកគេបានណាត់ជួបគ្នា។
នាង Catherine ប្រាប់ថា "Tim និងខ្លួនមិនបានរស់នៅឆ្ងាយពីគ្នាទេ ប៉ុន្តែយើងបានផ្ញើសំបុត្រឲ្យគ្នាព្រោះអារម្មណ៍ចេញពីចិត្តនឹងបរិសុទ្ធក្នុងការសរសេរ ហើយអាចទុកសំបុត្រទាំងនោះជាអនុស្សាវរីយមិនអាចបំភ្លេចបាននៅថ្ងៃក្រោយទៀតផង។"
បន្ទាប់ពីផ្ញើសំបុត្រសុំរៀបការដដែលៗជាច្រើនឆ្នាំមក ទីបំផុតនៅសំបុត្រចុងក្រោយលោក Tim បានទទួលចម្លើយដ៏ពេញចិត្ត គឺនាងព្រមរៀបការជាមួយ។ ក្រោយពួកគេរៀបការ លោក Tim បានធ្វើឲ្យភរិយាភ្ញាក់ផ្អើល គឺនាំនាងទៅលេងកោះមួយដែលជាកន្លែងពួកគេបានណាត់ជួបគ្នាគ្រាដំបូង។
Catherine ប្រាប់ថា "នៅថ្ងៃមួយ ខ្ញុំបានក្រោកពីគេង រួចដើរទៅបើកទ្វារស្រាប់តែឃើញបាច់ផ្កាកុលាប និងមានទៀនអុជពេញមុខទ្វារ ធ្វើឲ្យខ្ញុំភ្ញាក់ផ្អើលមែនទែន។ មួយសន្ទុះក្រោយ លេចមុខគាត់មកអង្គុយជិតខ្ញុំនៅបន្ទប់ទទួលភ្ញៀវជាមួយសារលើតុជាច្រើនទៀត។"
សារទាំងនោះជាកាលបរិច្ឆេទពួកគេបានសាងអនុស្សាវរីយ៍ជាមួយគ្នា ដោយធ្វើឲ្យ Catherine អានហើយរំជួលចិត្តរហូតស្រក់ទឹកភ្នែកទាំងមិនដឹងខ្លួន។ នាងរៀបរាប់ថា កាយវិការដ៏រ៉ូមែនទិក និងតែងតែធ្វើឲ្យរំជួលចិត្ត ទើបនាងយល់ព្រមរៀបការ ហើយចាត់ទុកគាត់ជាប្ដីល្អម្នាក់ផង។
ចំណែកនៅថ្ងៃរៀបការ Tim បានឡើងច្រៀងចម្រៀងមួយបទដែលគាត់បានសរសេរ កាលពីជួបគ្នាលើកដំបូងបានរយៈពេល២ខែ។ អ្នកទាំងពីរបានឃើញគ្នាដំបូងក្នុងឆ្នាំ ២០០៩ គឺនៅពេលមិត្តភ័ក្ដិរៀបចំដំណើរកម្សាន្តរួមគ្នា។ ពួកគេកម្រនិយាយរកគ្នាណាស់រយៈពេល៤ឆ្នាំ ក្រោយស្គាល់គ្នាតាមរយៈមិត្តភ័ក្ដិ។ រហូតដល់ឆ្នាំ ២០១៣ ទើបពួកគេចាប់ផ្ដើមមានមនោសញ្ចេតនារវាងគ្នា និងណាត់ជួបគ្នាតែ២នាក់តែម្ដង៕
