_medium.jpg)
- 2017-03-15 05:03:41
- ព័ត៌មាន
សប្បាយទៀតហើយ! បុណ្យភូមិលើកទី៤ ឆ្នាំនេះ ធ្វើនៅវត្តទួលក្រសាំង
- 2017-03-15 05:03:41
- ចំនួនមតិ 0 | ចំនួនចែករំលែក 0
សប្បាយទៀតហើយ! បុណ្យភូមិលើកទី៤ ឆ្នាំនេះ ធ្វើនៅវត្តទួលក្រសាំង
ចន្លោះមិនឃើញ
បុណ្យភូមិនៅឆ្នាំនេះ នឹងធ្វើឡើងចំនួន៣ថ្ងៃជាប់គ្នា គឺនៅថ្ងៃទី៧-៨-៩ ខែមេសា ឆ្នាំ២០១៧ ដើម្បីអបអរមុនពេលពិធីបុណ្យចូលឆ្នាំថ្មីប្រពៃណីជាតិឈានចូលមកដល់។ ចំណែកឯ ទីតាំងប្រារព្ធពិធីវិញ គឺស្ថិតនៅបរិវេណវត្តទួលក្រសាំង ឃុំរការខ្ពស់ ស្រុកស្អាង ខេត្តកណ្ដាល។ នេះបើតាមការប្រកាសជាផ្លូវការនៅលើទំព័រហ្វេសប៊ុកបុណ្យភូមិ (BonnPhum បុណ្យភូមិ)។
បុណ្យភូមិចាប់ផ្ដើមធ្វើឡើងតាំងពីឆ្នាំ២០១៤ មក ដោយមានមនុស្សចូលរួមយ៉ាងច្រើនកុះករ ដែលគិតមកដល់ឆ្នាំ២០១៧ នេះគឺជាលើកទី៤។ បុណ្យភូមិលើកទី៣ កាលឆ្នាំ២០១៦ បានធ្វើឡើងនៅវត្តជ្រោយអំពិល ភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ដែលមានអ្នកចូលរួមដល់ខ្ទង់ម៉ឺននាក់ឯណោះ។
ជារៀងរាល់ឆ្នាំ បុណ្យភូមិតែងមានកម្មវិធីពិសេសៗ ការសម្ដែងល្ខោនខោល និងស្រមោល ស្បែកធំ ការសម្ដែងរបាំបុរាណ ការសម្តែងចាប៉ីដងវែង ពិនខ្មែរ តន្ត្រីស្រុកស្រែ លេងល្បែងប្រជាប្រិយ ការរាំលេងកម្សាន្ត ក្នុងទិដ្ឋភាពសប្បាយរីករាយជាទីបំផុត។ ក្រៅពីនេះ អ្នកចូលរួម ក៏អាចស្រង់រសជាតិមុខម្ហូបប្លែកៗ ដែលនឹងលក់ត្រៀបត្រានៅក្នុងកម្មវិធីផងដែរ៕
រូបភាពបុណ្យភូមិឆ្នាំមុន៖
