អស្ចារ្យណាស់! កំពូលស្ថាបត្យកម្មខ្មែរល្បីៗបានប្រមូលផ្ដុំនៅផ្សារទេសចរណ៍ថ្មីមួយ

2017-11-22 09:09:11
សេដ្ឋកិច្ច

2017-11-22 09:09:11
ចំនួនមតិ 0 | ចំនួនចែករំលែក 0

ចន្លោះមិនឃើញ

សំណង់ស្ថាបត្យកម្មល្បីៗ និងអគារបុរាណជាច្រើនទៀតដែលបានចាប់កំណើតតាំងពីសម័យអាណានិគមបារាំង កំពុងរំលេចខ្លួនផ្ដុំគ្នានៅក្នុងផ្សារទេសចរណ៍ថ្មីមួយស្ថិតនៅកណ្ដាលរាជធានីភ្នំពេញ។

សំណង់អគារនេះគឺត្រូវបានសង់ឡើងនៅជាន់ទី៤នៃផ្សារទំនើបសូរិយា ដោយមានសំណង់អគារបុរាណប្រមាណ ១០អគារ ប្រមូលផ្ដុំគ្នាក្នុងទីតាំងតែមួយលើទីធ្លាប្រហែលជាង១ពាន់ម៉ែត្រការ៉េ។ អគារទាំងនោះ សុទ្ធតែជាកំពូលស្ថាបត្យកម្មល្បីៗរបស់ខ្មែរធ្លាប់ផុសឡើងនៅកណ្ដាលរាជធានីភ្នំពេញកាលពីសតវត្សន៍ទី៦០ ប៉ុន្តែសព្វថ្ងៃសំណង់ឯកជនប្រភេទនេះមួយចំនួនត្រូវបានបាត់បង់ទៅហើយ នៅឡើយតែសំណង់ចាស់ៗរបស់រដ្ឋប៉ុណ្ណោះ។

(ប៉ុស្តិ៍ ប៉ូលីស)

(ក្លឹបកម្សាន្ត Riverside Bistro)

(ស្ថានីយរថភ្លើង)

(សារមន្ទីរជាតិ)

លោក រ៉ូប៊ីន តៃ ជាទីប្រឹក្សាអគ្គនាយក សូរិយា សេនធ័រ ភ័នធ៍ និងជាអតីតស្ថាបត្យករជំនាញម្នាក់ បានបញ្ជាក់ថា មូលហេតុដែលលោកបង្កើតផ្សារទេសចរណ៍ឬឈ្មោះថា The Bazaar ដោយបញ្ចូលស្ថាបត្យកម្មចាស់ៗទាំងនោះ ព្រោះវាមានភាពទាក់ទាញដល់អ្នកទេសចរបរទេសគ្រប់ជាតិសាសន៍ និងដើម្បីផ្សព្វផ្សាយនូវកិត្យានុភាពកេរដំណែលវប្បធម៌ពិតៗរបស់ខ្មែរ។ លោកបន្ថែមថា ផ្សារនេះ នឹងដាក់លក់ផលិតផលដែលជាស្នាដៃរបស់កូនខ្មែរ និងផលិតផលទេសចរណ៍យីហោល្បីៗផ្សេងទៀតនៅជុំវិញពិភពលោកផងដែរ។

តំណាងផ្សារទំនើបសូរិយាខាងលើនេះ បានបញ្ជាក់ដែរថាការសាងសង់ផ្សារទេសចរណ៍នេះបានបញ្ចប់រួចរាល់ហើយ និងរង់ចាំការសម្ពោធជាផ្លូវការនៅថ្ងៃទី១៩ ខែធ្នូ ២០១៧ ខាងមុខនេះ៕