- 2019-10-20 03:40:00
- សេដ្ឋកិច្ច
សេដ្ឋកិច្ចចិនមានកំណើនយឺត ក្រោយតម្រូវការក្នុងស្រុកចុះស្របពេលមានសង្គ្រាមពាណិជ្ជកម្មជាមួយអាមេរិក
- 2019-10-20 03:40:00
- ចំនួនមតិ 0 | ចំនួនចែករំលែក 0
សេដ្ឋកិច្ចចិនមានកំណើនយឺត ក្រោយតម្រូវការក្នុងស្រុកចុះស្របពេលមានសង្គ្រាមពាណិជ្ជកម្មជាមួយអាមេរិក
ចន្លោះមិនឃើញ
ទិន្នន័យបានបង្ហាញនៅពីថ្ងៃសុក្រទី១៨ខែតុលានេះថា សេដ្ឋកិច្ចរបស់ប្រទេសចិនក្នុងត្រីមាសទី៣ឆ្នាំនេះបានកើនក្នុងអត្រាទាបបំផុតក្នុងរយៈពេលជិត៣ ទសវត្សរ៍ចុងក្រោយ ដោយសារតែវារងប៉ះពាល់ដោយសង្គ្រាមពាណិជ្ជកម្មដ៏រ៉ាំរ៉ៃរបស់សហរដ្ឋអាម៉េរិកនិងការធ្លាក់ចុះតម្រូវការក្នុងស្រុកចិន។
ដោយប្រទេសចិន ដែលជាកត្តាជំរុញដ៏សំខាន់នៃកំណើនសេដ្ឋកិច្ចពិភពលោកនោះទិន្នន័យនេះបានបន្ថែមការព្រួយបារម្ភអំពីសេដ្ឋកិច្ចពិភពលោកនិងនាំឱ្យមានការរំពឹងទុកថាក្រុមអាជ្ញាធរនឹងបញ្ចេញសកម្មភាពជំរុញសេដ្ឋកិច្ចថ្មី បន្ទាប់ពីមានវិធានការណ៍ផ្សេងៗទៀតជាបន្តបន្ទាប់កាលពីប៉ុន្មានខែថ្មីៗនេះ។ ការិយាល័យស្ថិតិជាតិ (NBS) បាននិយាយថាផលិតផលក្នុងស្រុកសរុប(GDP )បានកើនឡើង ៦,០ ភាគរយពីខែកក្កដា ដល់ខែកញ្ញា បើប្រៀបធៀបក្នុងរយៈពេលដូចគ្នាដោយចុះពី ៦,២ ភាគរយកាលពីត្រីមាសទី២។ ទិន្នន័យនេះគឺជាតួលេខប្រចាំត្រីមាសដ៏អាក្រក់បំផុតចាប់តាំងពីឆ្នាំ១៩៩២ ប៉ុន្តែគោលដៅរបស់រដ្ឋាភិបាលចិនគឺកំណត់កំណើនសេដ្ឋកិច្ចពី ៦,០ ទៅ ៦,៥ភាគរយសម្រាប់រយៈពេលពេញមួយឆ្នាំ។ សេដ្ឋកិច្ចចិន បានកើនឡើង៦,៦ ភាគរយកាលពីឆ្នាំ ២០១៨ ។ សូមបញ្ជាក់ថានៅសប្តាហ៍នេះអង្គការរូបិយវត្ថុអន្តជាតិ(IMF)ក៏បានកាត់បន្ថយអត្រាកំណើនសេដ្ឋកិច្ចចិនពី៦,២មកនៅត្រឹម៦,១ភាគរយសំរាប់ឆ្នាំ២០១៩ ដោយសារសង្គ្រាមពាណិជ្ជជាមួយអាម៉េរិកនិងតំរូវការក្នុងស្រុកធ្លាក់ចុះ។
ដើម្បីទប់ការធ្លាក់ចុះនេះនិងរក្សាគោលដៅកំណើនតាមផែនការ ធនាគារកណ្តាលចិននៅសប្តាហ៍ក៏បានបញ្ចេញប្រាក់បន្ថែម២០០ពាន់លានយ័ន(២៨,២៤ពាន់លានដុល្លារ)តាមរយៈប្រាក់កំចីរយៈពេលមធ្យម៕
