គណៈឱសថការីកម្ពុជា៖ ហាមឱសថការីលក់ឧបករណ៍វាស់កម្ដៅក្នុងវិស័យសំណង់ ឲ្យអតិថិជន

2020-03-13 10:19:12
ព័ត៌មាន

2020-03-13 10:19:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាមឱសថការីលក់ឧបករណ៍វាស់កម្ដៅក្នុងវិស័យសំណង់ ឲ្យអតិថិជន។ បម្រាមធ្វើឡើងតាមរយៈ ផេកផ្លូវការរបស់ ឱសថការីកម្ពុជា ដែលបង្ហោះនៅរសៀលថ្ងៃទី ១៣ ខែមីនា ឆ្នាំ ២០២០នេះ។

ឧបករណ៍ វាស់កម្ដៅនៅក្នុងវិស័យសំណង់ មកលក់នៅក្នុងវិស័យសុខាភិបាល

ប្រភពដដែលបានសរសេរថា «ក្រោយពីទទួលព័ត៌មានពីប្រជាពលរដ្ឋអំពីឱសថស្ថានមួយកន្លែងនៅម្ដុំអូឡាំពិកបានលក់ឧបករណ៍វាស់កំដៅសម្រាប់ប្រើប្រាស់ក្នុងវិស័យសំណង់ ទៅឲ្យអតិថិជនដើម្បីយកទៅប្រើលើមនុស្ប ក្នុងវិស័យសុខាភិបាល»។

ដោយឃើញសកម្មភាពខាងលើនេះ នៅព្រឹកថ្ងៃទី១៣ ខែមីនា ឆ្នាំ២០២០ គណៈឱសថការីរាជធានីភ្នំពេញ បានចុះធ្វើការណែនាំ និងធ្វើកិច្ចសន្យាជាមួយម្ចាស់ឱសថស្ថានមិនឲ្យមានបាតុភាពនេះកើតឡើងម្ដងទៀត។

គណៈឱសថការីកម្ពុជា សូមអំពាវនាវដល់ឱសថការីទទួលបន្ទុកបច្ចេកទេសទាំងអស់ចូលរួមសហការជាបន្ទាន់លើករណីនេះ គឺត្រូវតែអប់រំណែនាំដល់ម្ចាស់ទុនមិនឱ្យបន្តលក់ជាដាច់ខាត ដើម្បីជៀសវាងការប្រឈមមុខចំពោះមុខច្បាប់។ គណៈឱសថការីកម្ពុជាសង្ឃឹមថា ឱសថការីទទួលបន្ទុកបច្ចេកទេសទាំងអស់នឹងចូលរួមអនុវត្តជាបន្ទាន់៕

សូមមើលក្រមសីលធម៌ឱសថការីមាត្រាទី១៧ ដូចខាងក្រោមនេះ៖