- 2020-04-10 02:12:14
- ព័ត៌មាន
មកមើលសកម្មភាពព្រឹកនេះ សមត្ថកិច្ច អនុវត្តន៍បទបញ្ជារបស់រាជរដ្ឋាភិបាល
- 2020-04-10 02:12:14
- ចំនួនមតិ 0 | ចំនួនចែករំលែក 0
មកមើលសកម្មភាពព្រឹកនេះ សមត្ថកិច្ច អនុវត្តន៍បទបញ្ជារបស់រាជរដ្ឋាភិបាល
ចន្លោះមិនឃើញ
សមត្ថកិច្ចចាប់ផ្ដើមអនុវត្តន៍នូវបទបញ្ជា របស់រាជរដ្ឋាភិបាល ដែលបានដាក់កំហិតលើការធ្វើដំណើរក្នុងប្រទេស ដើម្បីការពារការីករាលដាលជំងឺកូវីដ ១៩។
បទបញ្ជារបស់រាជរដ្ឋាភិបាល ខាងលើនេះ បានចូលជាធរមាន កាលពីវេលាម៉ោង ២៤:០០ ថ្ងៃទី ៩ មេសា ដែលបទបញ្ជា នឹងអនុវត្ត រហូតដល់ម៉ោង ២៤:០០ ថ្ងៃទី១៦ ខែមេសា ២០២០។
សូមមើលសកម្មភាពសមត្ថកិច្ចអនុវត្តន៍បទបញ្ជា ខាងក្រោមនេះ៖
តើបទបញ្ជារបស់រាជរដ្ឋាភិបាល មានអ្វីខ្លះ? គឺ៖
១. ហាមឃាត់ការធ្វើដំណើរនៅផ្ទៃក្នុងប្រទេស រួមមាន ការធ្វើដំណើរឆ្លងកាត់ចេញ ចូលរាជធានីភ្នំពេញ (ដោយមិនប៉ះពាល់ដល់ការធ្វើដំណើរផ្ទៃក្នុងរាជធានីភ្នំពេញនោះទេ) ការធ្វើដំណើរឆ្លងកាត់ ពីស្រុកមួយទៅស្រុកមួយ និងការធ្វើដំណើរឆ្លងកាត់ពីខេត្តមួយទៅខេត្តមួយទៀត។
២. ការហាមឃាត់នេះ ត្រូវបានលើកលែងចំពោះ៖
ការដឹកជញ្ជូនទំនិញគ្រប់ប្រភេទ ទាំងតាមផ្លូវគោក ផ្លូវទឹក និងផ្លូវដែក
រថយន្ត និងមធ្យោបាយធ្វើដំណើរ របស់មន្រ្តីរាជការស៊ីវិលគ្រប់ស្ថាប័នរដ្ឋ ទាំងថ្នាក់ជាតិ និងថ្នាក់ក្រោមជាតិ ក្នុងគោលដៅបំពេញការងារប្រចាំថ្ងៃ ដែលម្ចាស់យានយន្តត្រូវបង្ហាញដល់កងកម្លាំងមានសមត្ថកិច្ច ត្រួតពិនិត្យនូវអត្តសញ្ញាណប័ណ្ណការងាររបស់ខ្លួន
រថយន្ត និងមធ្យបបាយធ្វើដំណើររបស់កងកម្លាំងប្រដាប់អាវុធគ្រប់ប្រភេទ ក្នុងគោលដៅបំពេញភារកិច្ចរបស់ខ្លួន
រថយន្តសង្គ្រោះបន្ទាន់របស់មន្ទីរពេទ្យរដ្ឋ និងឯកជន
រថយន្តពន្លត់អគ្គីភ័យ
រថយន្តបម្រើសេវាដឹកជញ្ជូនសំរាម និងកាកសំណល់
ការដឹកជញ្ជូនកម្មករទៅកាន់ទីកន្លែងការងារនៅតាមរោងចក្រ សហគ្រាស ដែលត្រូវមានប័ណ្ណអនុញ្ញាតចេញដោយក្រសួងការងារ និងបណ្ដុះបណ្ដាលវិជ្ជាជីវៈ ឬមន្ទីរការងារ និងបណ្ដុះបណ្ដាលវិជ្ជាជីវៈ
ការធ្វើដំណើររបស់ប្រជាពលរដ្ឋទៅកាន់មន្ទីរពេទ្យ ឬមណ្ឌលសុខភាព ដែលនៅជិតបំផុត ដើម្បីទទួលបាននូវសេវាសុខាភាពចាំបាច់ និងបន្ទាន់ ដោយកំណត់ចំនួនមនុស្សមិនឲ្យលើសពី ៤នាក់ សម្រាប់ករណីនីមួយៗ។