- 2020-04-13 06:02:36
- ព័ត៌មាន
វៀតណាម កាត់បន្ថយថ្លៃអគ្គិសនី ដើម្បីបន្ធូរបន្ថយបន្ទុកបង្កឡើងដោយកូវីដ១៩
- 2020-04-13 06:02:36
- ចំនួនមតិ 0 | ចំនួនចែករំលែក 0
វៀតណាម កាត់បន្ថយថ្លៃអគ្គិសនី ដើម្បីបន្ធូរបន្ថយបន្ទុកបង្កឡើងដោយកូវីដ១៩
ចន្លោះមិនឃើញ
រដ្ឋាភិបាលវៀតណាមបានយល់ព្រមបញ្ចុះថ្លៃអគ្គិសនី១០ភាគរយ ដែលត្រូវបានស្នើឡើងសម្រាប់ខែ មេសា ឧសភា និងមិថុនា។ នេះបើយោងតាមវេបសាយVnExpress។
សំណើរបស់ក្រសួងឧស្សាហកម្ម និងពាណិជ្ជកម្មនេះ គឺដើម្បីគាំទ្រពលរដ្ឋនិងអាជីវកម្មចំពេលមានការឆ្លងរាលដាលនៃជំងឺកូវីដ១៩ ។ទោះយ៉ាងណានេះក្តីក្រសួងនេះនឹង ប្រមូលមតិយោបល់ពីក្រសួងនិងផ្នែកដទៃទៀត លើឯកសារណែនាំរហូតដល់ផុតថ្ងៃអង្គារនៅ មុនពេលចេញសេចក្តីសំរេចជាផ្លូវការ។
តាមសំណើបច្ចុប្បន្ននេះ ការកាត់បន្ថយតម្លៃអគ្គិសនី១០ ភាគរយនឹងត្រូវអនុវត្តចំពោះតម្លៃអគ្គិសនីសម្រាប់គ្រួសារដែលស្ថិតក្នុងលំដាប់ថ្នាក់កម្រិតទី ១-៤ (សម្រាប់ការប្រើប្រាស់អគ្គិសនីក្រោម ៣០០ គីឡូវ៉ាត់ម៉ោង) ។
អាជីវកម្មក៏នឹងទទួលបានការបញ្ចុះតម្លៃ ១០ភាគរយផងដែរ ក្នុងកំឡុងពេលម៉ោងត្រូវការប្រើច្រើន ម៉ោងប្រើធម្មតានិងម៉ោងមិនត្រូវការប្រើច្រើន ខណៈពេលដែលកន្លែងស្នាក់នៅរបស់ភ្ញៀវទេសចរអាចទទួលបានថ្លៃអគ្គិសនីដូចក្រុមគ្រួសារនិងក្រុមហ៊ុនផលិតកម្ម។
គ្រឹះស្ថាននានាដែលត្រូវបានប្រើសម្រាប់ការព្យាបាលឬដាច់ដោយឡែកសម្រាប់អ្នកជំងឺនិងជនសង្ស័យកើតកូវីដ១៩នឹងត្រូវបានលើកលែងពីការបង់វិក្កយបត្រអគ្គិសនី ខណៈពេលដែល គ្រឹះស្ថានដែលផ្តល់ការត្រួតពិនិត្យវេជ្ជសាស្ត្រ ការធ្វើតេស្តិ៍និងការព្យាបាលសម្រាប់ករណីដែលបានបញ្ជាក់និងសង្ស័យមានកូវីដ១៩នឹង ទទួលបានការបញ្ចុះតម្លៃអគ្គិសនី ២០ ភាគរយ។
សណ្ឋាគារនិងកន្លែងស្នាក់នៅរបស់ភ្ញៀវទេសចរដែលត្រូវបានប្រើសម្រាប់ការដាក់អ្នកជំងឺកូវីដ១៩ឱ្យនៅដាច់ដោយឡែកនិងអ្នកសង្ស័យមានកូវីដ១៩ក៏ នឹងត្រូវទទួលបានការបញ្ចុះតម្លៃ ២០ ភាគរយផងដែរ៕