- 2020-04-23 01:44:19
- ព័ត៌មាន
គ្រូពេទ្យរកឃើញសញ្ញាគួរឲ្យខ្លាចថ្មី ២ លើអ្នកជំងឺកូវីដ១៩ និងប្រកាសរកវិធីព្យាបាល
- 2020-04-23 01:44:19
- ចំនួនមតិ 0 | ចំនួនចែករំលែក 0
គ្រូពេទ្យរកឃើញសញ្ញាគួរឲ្យខ្លាចថ្មី ២ លើអ្នកជំងឺកូវីដ១៩ និងប្រកាសរកវិធីព្យាបាល
ចន្លោះមិនឃើញ
ខណៈពេលដែលវីរុសឆ្លងកូវីដ១៩ បានរាលដាលពាសពេញទីក្រុងញូវយ៉កនៅចុងខែមីនា គ្រូពេទ្យនៅមន្ទីរពេទ្យ Mount Sinai បានកត់សម្គាល់ឃើញមានអាការចម្លែកកើតឡើងចំពោះឈាមរបស់អ្នកជំងឺ។
ពេទ្យជំនាញជាច្រើននាក់ បានរកឃើញថាអ្នកជំងឺកូវីដ១៩ អាចប្រឈមមុខនឹងឈាមឡើងខាប់ និងស្ទះឈាមនៅសរីរាង្គផ្សេងៗគ្នាក្នុងខ្លួនប្រាណរបស់ពួកគេ។ នេះជាការរកឃើញដ៏គួរឱ្យភ្ញាក់ផ្អើលដែលវីរុសបំផ្លាញរាងកាយមនុស្ស ព្រោះគ្រូពេទ្យនៅទីនោះនិងកន្លែងផ្សេងទៀតកំពុងចាប់ផ្តើមកត់សម្គាល់ពីអាការនេះ។ យោងតាមវេជ្ជបណ្ឌិត J Mocco ឯកទេសខាងសរសៃប្រសាទឲ្យដឹងថា "វាពិតជាគួរឲ្យសម្គាល់ណាស់ ដែលវីរុសនេះអាចបណ្ដាលឲ្យផ្នែកជាច្រើននៃរាងកាយស្ទះសរសៃឈាម។” លើសពីនេះទៀតលោកវេជ្ជបណ្ឌិតបន្ថែមថា កូវីដ១៩មិនត្រឹមតែជាជំងឺពាក់ព័ន្ធផ្លូវដង្ហើមប៉ុណ្ណោះទេ ព្រោះក្នុងករណីខ្លះវាអាចធ្វើឲ្យអ្នកជំងឺដាច់សរសៃឈាមខួរក្បាលទាំងវ័យក្មេងផងដែរ។
ចំណែកឯលោកវេជ្ជបណ្ឌិត David Reich ប្រធានមន្ទីរពេទ្យខាងលើ បានប្រកាសរកវិធីព្យាបាលថ្មីនៃអាការទាំងពីរនេះ។ លោក David បន្ថែមថា "ប្រសិនបើយើងអាចការពារមិនឲ្យមានការស្ទះឈាម នោះជំងឺកូវីដ១៩ នឹងមិនសូវមានសភាពធ្ងន់ធ្ងរនោះទេ។”
គួរបញ្ជាក់ថា រយៈពេល ៣សប្ដាហ៍ចាប់ពីពាក់ខែមីនាមក មន្ទីរពេទ្យ Mount Sinai បានរកឃើញអ្នកជំងឺ ៣២នាក់ហើយដែលមានការស្ទះឈាមខ្លាំងនៅខួរក្បាល ដែលបណ្ដាលឲ្យអាការកាន់តែធ្ងន់ធ្ងរថែមទៀត៕