- 2020-05-05 07:59:00
- ព័ត៌មាន
ងាយៗ តិចនិកសាច់ចាំនៅផ្ទះ ជួយលើកសម្រស់កាត់ស្ត្រេសសម័យកូវីដ១៩
- 2020-05-05 07:59:00
- ចំនួនមតិ 0 | ចំនួនចែករំលែក 0
ងាយៗ តិចនិកសាច់ចាំនៅផ្ទះ ជួយលើកសម្រស់កាត់ស្ត្រេសសម័យកូវីដ១៩
ចន្លោះមិនឃើញ
មិនថាអ្នកមានអាយុប៉ុន្មានទេ សុខភាពស្បែកជារឿងសំខាន់ ជាពិសេសសម្រាប់មិត្តនារី។ ទោះជានៅតែផ្ទះជាប្រចាំ ក៏អ្នកអាចប្រឈមនឹងបញ្ហាស្បែកដែរ ដែលក្នុងនោះរួមមាន បញ្ហាស្បែកស្ងួត ស្រអាប់មិនស្រស់ថ្លា ស្នាមអុជខ្មៅ ឬ ស្បែកជ្រីវជ្រួញ ដោយមិនដឹងខ្លួន។ គួរឲ្យដឹងថា បើនិយាយពាក់ព័ន្ធនឹងការថែទាំស្បែក នារីៗត្រូវរក្សាភាពស្រស់ស្អាតទាំងផ្ទៃមុខ និង ដងខ្លួន ដើម្បីឲ្យមើលទៅក្មេងជាងវ័យ និង ស្អាតមួយដងខ្លួនតែម្ដង។
តោះ! មកដឹងគន្លឹះ ៤ យ៉ាងធ្វើឲ្យស្បែកនៅតែតឹងណែន ស្រស់ថ្លា និង មិនងាយមានស្នាមជ្រីវជ្រួញ៖
១. ម៉ាស្សាមុខ និង ខ្លួនជាប្រចាំ
នារីមួយចំនួនធំតែងជ្រើសរើសសេវាកម្មម៉ាស្សាមុខនៅខាងក្រៅ ដើម្បីរក្សាផ្ទៃមុខឲ្យនៅតឹងណែន។ តើអ្នកដឹងទេថា ដងខ្លួនរបស់អ្នកក៏ត្រូវការការម៉ាស្សាដូចគ្នា ដើម្បីទប់ស្កាត់នូវការយារធ្លាក់នៃស្បែក? លើសពីនេះ អ្នកអាចចំណេញថ្លៃចំណាយទាំងនោះបាន ដោយគ្រាន់តែធ្វើការម៉ាស្សាដោយខ្លួនឯងជាប្រចាំ។
សម្រាប់ផ្ទៃមុខ អ្នកគ្រាន់តែធ្វើការម៉ាស្សា ឬ លាបផលិតផលមុខរបស់អ្នកក្នុងចលនាឡើងលើ និងជារង្វង់ឲ្យបាន ២ទៅ៣ នាទីជារៀងរាល់ថ្ងៃ ជាការស្រេច។ រីឯ សម្រាប់ដងខ្លួន អ្នកគ្រាន់តែប្រើប្រេងលាបខ្លួនដើម្បីលុញ និង ច្របាច់ចុះឡើងឲ្យបាន ១០នាទី រួចសឹមចូលងូតទឹក និង លាងសម្អាតខ្លួន។ ការធ្វើបែបនេះមិនត្រឹមតែជួយសម្រួលដល់ចរន្ដឈាម ថែមទាំងធ្វើឲ្យស្បែកមានសភាពហាប់ និង តឹងណែនល្អទៀតផង។
២. ស្ក្រាប់ស្បែកចេញជាប្រចាំ
ជាតិក្អែល និង កោសិកាចាស់ៗដែលទំនៅលើស្បែកក៏ជាមូលហេតុបណ្ដាលឲ្យស្បែកមានបញ្ហាប្រេះស្រកា ឡើងកន្ទួលរមាស់ ស្បែកស្រអាប់ និង មានសភាពគ្រើមៗ មិនម៉ដ្ឋស្អាត។ ដូច្នេះ អ្នកគួរចាប់ផ្ដើមខាត់ស្បែកជម្រុះកោសិកាចាស់ចេញ ១ ឬ ២ ដង ក្នុងមួយសប្ដាហ៍។
៣. ប្រើផលិតផលផ្ដល់សំណើមដល់ស្បែក
ស្រដៀងទៅនឹងការបិទម៉ាស លាបសេរ៉ូម ឬ គ្រីមមុខជាប្រចាំនោះ នារីក៏គួរទម្លាប់លាបឡេផ្ដល់សំណើមដល់ដងខ្លួន និងប្រអប់ដៃ ប្រអប់ជើងដូចគ្នា យ៉ាងតិច ១ដងក្នុង១ ថ្ងៃ ដើម្បីរក្សានូវជាតិសំណើមដល់ស្បែក ដែលជួយឲ្យស្បែកមើលទៅភ្លឺចែងចាំង និង មិនងាយជ្រីវជ្រួញ។
ជាពិសេស សម្រាប់អ្នកមានស្បែកស្ងួតខ្លាំង ឬ ស្រអាប់ដោយការឧស្សាហ៍ប្រឈមនឹងកម្ដៅថ្ងៃ ឬ ធ្វើការងារយូរម៉ោងមុខអេក្រង់កុំព្យួទ័រ គប្បីជ្រើសរើសប្រភេទឡេ និង សេរ៉ូមលាបស្បែកដែលមានជាតិវីតាមីន B3 ព្រោះវាមានមុខងារសំខាន់ក្នុងការជួយស្រោចស្រង់ស្បែកឲ្យភ្លឺឡើងវិញ បំបាត់បញ្ហាខ្មៅស្រអាប់ និង ជួយទប់ស្កាត់ស្នាមជ្រីវជ្រួញទៀតផង តួយ៉ាងដូចរូបមន្ដនៅក្នុងប្រភេទឡេ និង សេរ៉ូមរបស់ វ៉ាសឺលីន ហ៊ែលស៊ីវ៉ាយ (Vaseline Healthy White) ដែលរួមមានប្រភេទ UV Lightening និង Instant Fair ជាដើម។
៤. ហាត់យោហ្គាជំនួយស្បែកនៅផ្ទះ
ស្បែកតឹងណែន ក្មេងជាងវ័យ មិនអាចអាស្រ័យទៅលើកត្តាខាងក្រៅតែមួយមុខបាននោះទេ។ អ្នកណាៗក៏ដឹងពីអត្ថប្រយោជន៍ដ៏សម្បូរបែបរបស់លំហាត់ប្រាណយោហ្គាដែរ ជាពិសេសសម្រាប់នារីផ្ទាល់តែម្ដង។ដូច្នេះ ឆ្លៀតពេលដែលសម្រាកនៅផ្ទះ គួររៀនហាត់ក្បាច់យោហ្គាសំខាន់ៗមួយចំនួនដែលល្អសម្រាប់ទាំងស្បែក និង សុខភាពដែលរួមមាន៖
បច្ចុប្បន្នដោយសារបញ្ហាកូវីដ១៩ គ្រប់គ្នាមានពេលវេលានៅផ្ទះច្រើនជាងមុន ដូច្នេះនេះគឺជាឱកាសល្អបំផុត គួរចាប់ផ្តើមបង្កើតទម្លាប់ដើម្បីថែរក្សាសុខភាព និងសម្រស់ឲ្យបានល្អព្រមគ្នា ដែលស្របគ្នានឹងគោលការណ៍ណែនាំដោយអង្កសុខភាពពិភពលោក Stay active ពេលនៅ ផ្ទះ ដើម្បីយកឈ្នះការឆ្លងជំងឺកូវីដ១៩៕