• 2020-06-04 00:58:46
  • ព័ត៌មាន

អាមេរិកគ្រោងបិទជើងហោះហើរទាំងអស់ពីចិន មិនឲ្យមកកាន់ប្រទេសរបស់ខ្លួន

  • 2020-06-04 00:58:46
  • ចំនួនមតិ 0 | ចំនួនចែករំលែក 0

ចន្លោះមិនឃើញ

សហរដ្ឋអាមេរិក នឹងហាមឃាត់ការហោះហើររបស់អ្នកដំណើរពីប្រទេសចិនចាប់ពីថ្ងៃទី ១៦ ខែមិថុនាក្នុងសញ្ញាចុងក្រោយនៃភាពតានតឹងរវាង​មហាអំណាច​យក្សសេដ្ឋកិច្ចទាំងពីរ។

នាយកដ្ឋានដឹកជញ្ជូន​អាមេរិក បាននិយាយថាខ្លួនកំពុងដាក់ទណ្ឌកម្មក្រុងប៉េកាំងចំពោះការបដិសេធមិនអនុញ្ញាតឱ្យក្រុមហ៊ុនអាកាសចរណ៍អាមេរិកបន្តការហោះហើរទៅកាន់ប្រទេសចិននៅពេលដែល​មាន​ជំងឺរាតត្បាតរាលដាល។ ក្នុងប៉ុន្មានសប្តាហ៍ថ្មីៗ នេះបណ្តាប្រទេសនានាបានឈ្លោះប្រកែកគ្នាទាក់ទងនឹងមេរោគឆ្លងនិងគោលនយោបាយចិននៅហុងកុង។ ប៉ុន្តែ​ក្រុងវ៉ាស៊ីនតោន បាននិយាយថាខ្លួននឹងបន្ត “ ចូលរួម” លើបញ្ហាការធ្វើដំណើរតាមផ្លូវអាកាស។ ការ​ហាម​ឃាត់​នេះ នឹង​ត្រូវ​ការការយល់ព្រមចុងក្រោយពីប្រធានាធិបតីអាមេរិកដូណាល់ត្រាំ ដែលបានចោទប្រកាន់ម្តងហើយម្តងទៀតពីប្រទេសចិនក្នុងការ​ធ្វើពាណិជ្ជកម្មដោយអយុត្តិធម៌ ហើយក្នុងរយៈពេលប៉ុន្មានសប្តាហ៍ថ្មីៗនេះ លោក​បានរិះគន់ការគ្រប់គ្រងរបស់​ចិន​ចំពោះ​ការ​ឆ្លង​រាល​ដាល​នៃ​វីរុស និងការតវ៉ានៅហុងកុង។

ស្ថានទូតចិនប្រចាំនៅទីក្រុងវ៉ាស៊ីនតោនមិនបានធ្វើអត្ថាធិប្បាយភ្លាមៗទេ។ ក្រុមមន្រ្តី បាននិយាយថាការរឹតបន្តឹងរបស់ខ្លួនដែលត្រូវបានណែនាំដើម្បីគ្រប់គ្រងជំងឺឆ្លងគឺមានភាពយុត្តិធម៌ចាប់តាំងពីពួកគេអនុវត្តចំពោះក្រុមហ៊ុនអាកាសចរណ៍ទាំងអស់៕

ប្រភព៖ BBC ប្រែ​សម្រួល៖ រ័ត្ន

មតិយោបល់
អត្ថបទពេញនិយម