- 2020-06-12 01:39:12
- ព័ត៌មាន
ព្រះអង្គម្ចាស់ប៊ែលហ្ស៊ិកត្រូវបានពិន័យប្រាក់ចំពោះការរំលោភវិធានការប្រឆាំងកូវីដ១៩ នៅអេស្ប៉ាញ
- 2020-06-12 01:39:12
- ចំនួនមតិ 0 | ចំនួនចែករំលែក 0
ព្រះអង្គម្ចាស់ប៊ែលហ្ស៊ិកត្រូវបានពិន័យប្រាក់ចំពោះការរំលោភវិធានការប្រឆាំងកូវីដ១៩ នៅអេស្ប៉ាញ
ចន្លោះមិនឃើញ
មន្ត្រីរដ្ឋាភិបាលបានប្រាប់សារព័ត៌មានAFPកាលពីថ្ងៃពុធទី១០ ខែមិថុនានេះថាព្រះអង្គម្ចាស់បែលហ្ស៊ិកព្រះនាម ហ្សូអាជីម( Joachim) ត្រូវបានពិន័យជាប្រាក់ចំនួន ១០,៤០០ អឺរ៉ូ(១១.៧៩៩ ដុល្លារ) នៅប្រទេសអេស្ប៉ាញពីបទរំលោភច្បាប់”ការបិទប្រទេស”ប្រឆាំងជំងឺឆ្លងកូវីដ១៩នៅពេលធ្វើដំណើរទៅកាន់ទីក្រុងក័រដូបា ។
អង្គម្ចាស់ ហ្សូអាជីម ដែលបាននមកដល់ប្រទេសអេស្ប៉ាញកាលពីចុងខែមេសាបានសារភាពពីការរំលោភនេះ បន្ទាប់ពីវេបសាយ El Confidencial បានចុះផ្សាយរឿងរ៉ាវនេះ។
មន្ត្រីនោះបាននិយាយថាការផាកពិន័យនេះគឺត្រូវបានធ្វើឡើងចំពោះការរំលោភបំពានវិធានការចត្តាឡីស័ក ដែលព្រះអង្គបានទទួលស្គាល់ ថាព្រះអង្គត្រូវបានជូនដំណឹងជាមុនហើយព្រះអង្គត្រូវបង់លុយ១០,៤០០អឺរ៉ូ។
វេបសាយនេះបានបញ្ចេញសេចក្តីរាយការណ៍មួយដែលបានលេចធ្លាយពីក្រុមអាជ្ញាធរសុខាភិបាលក្នុងតំបន់ថា មនុស្សម្នាក់ដែលបានធ្វើដំណើរពីប៊ែលហ្ស៊ិក បានជួបមិត្តភក្តិនិងអ្នកស្គាល់គ្នាសរុបចំនួន ២៧ នាក់កាលថ្ងៃទី ២៦ ខែឧសភានៅអគារលំនៅដ្ឋានមួយនៅទីក្រុងក័រដូបា”។
ការប្រមូលផ្តុំជួបជុំមនុស្សលើសពី១៥នាក់មិនត្រូវបានអនុញ្ញាតទេនៅតំបន់ភាគខាងត្បូងនៃប្រទេសនេះ ដោយសារតំបន់នេះ ត្រូវបានដាក់នៅក្រោមវិធានការប្រយុទ្ធប្រឆាំងជំងឺរាតត្បាតនេះ។
២ថ្ងៃបន្ទាប់ពីការជួបជុំនៅធីជប់លៀងនោះ ក្រុមមនុស្សដដែលដែលមកពីបែលហ្ស៊ិក បានធ្វើតេស្ត៍វិជ្ជមានកូវីដ១៩។ នេះបើយោងតាមសេចក្តីរាយការណ៍នេះ។
ព្រះអង្គម្ចាស់ ហ្សូអាជីម ដែលមានព្រះជន្ម ២៨វស្សានេះមានពពេល ១៥ ថ្ងៃដើម្បីប្តឹងឧទ្ធរណ៍ចំពោះការផាកពិន័យនេះ។
ប្រទេសអេស្ប៉ាញគិតមករហូតដល់ពេលនេះ មានអ្នកស្លាប់ដោយសារជំងឺនេះចំនួន ២៧,០០០នាក់៕