- 2020-06-15 08:42:47
- ព័ត៌មាន
ចូលរួមរំលែកទុក្ខ! ស្លាប់យ៉ាងហោច ១៩នាក់ ក្រោយផ្ទុះឡានដឹកសាំងនៅប្រទេសចិន
- 2020-06-15 08:42:47
- ចំនួនមតិ 0 | ចំនួនចែករំលែក 0
ចូលរួមរំលែកទុក្ខ! ស្លាប់យ៉ាងហោច ១៩នាក់ ក្រោយផ្ទុះឡានដឹកសាំងនៅប្រទេសចិន
ចន្លោះមិនឃើញ
ការផ្ទុះរថយន្តដឹកប្រេងនៅភាគអាគ្នេយ៍ប្រទេសចិន បានសម្លាប់មនុស្ស ១៩ នាក់ និងបណ្តាលឱ្យមនុស្សជាង ១៧០ នាក់រងរបួសនេះបើយោងតាមប្រព័ន្ធផ្សព្វផ្សាយក្នុងស្រុក។
រថយន្តខាងលើ បានដឹកប្រេងសាំងនៅពេលវាបានផ្ទុះនៅលើផ្លូវហាយវ៉េក្នុងខេត្តហ្សេជាំងកាលពីថ្ងៃសៅរ៍។ រូបភាពនៅលើប្រព័ន្ធផ្សព្វផ្សាយសង្គមបង្ហាញពីកម្ទេចកម្ទី និងផ្សែងដែលព័ទ្ធជុំវិញតំបន់ ហើយបង្កឱ្យខូចខាតដល់អាគារ។ អាជ្ញាធរនិយាយថាពួកគេកំពុងស៊ើបអង្កេតមូលហេតុនៃគ្រោះថ្នាក់នេះ។ ការផ្ទុះនេះបានកើតឡើងនៅក្បែរភូមិ Liangshan ជិតទីក្រុង Wenling ។ លើសពីនេះទៀត រថយន្ដបានផ្ទុះជាលើកទី ២ ក្រោយត្រូវបានរុញចូលអគាររោងចក្រមួយនៅជិតផ្លូវហាយវេ។ លោក Zhu Minglian អភិបាលរងក្រុង Wenling បាននិយាយថាអ្នកជួយសង្គ្រោះជាង ២ ៦០០ នាក់ ត្រូវបានបញ្ជូនទៅកាន់កន្លែងកើតហេតុ ហើយកិច្ចប្រឹងប្រែងនៅតែបន្តដើម្បីជួយសង្គ្រោះអ្នករស់រានមានជីវិត។
យោងតាមគេហទំព័រក្នុងស្រុក Chongqing Daily បានឲ្យដឹងដែរថា ក្រុមហ៊ុនដែលជាម្ចាស់រថយន្តនេះត្រូវបានអាជ្ញាធរពិន័យចំនួន ១១ ដងរួចមកហើយកាលពីពេលកន្លងមកដោយសារគោរពតាមច្បាប់ផ្នែកសុខភាព និងសុវត្ថិភាព៕