- 2020-07-01 09:30:40
- ព័ត៌មាន
បញ្ហា ៦យ៉ាងដែលធ្វើឲ្យអ្នកចេះតែឡើងគីឡូមិនឈប់ ទោះមិនញ៉ាំច្រើន
- 2020-07-01 09:30:40
- ចំនួនមតិ 0 | ចំនួនចែករំលែក 0
បញ្ហា ៦យ៉ាងដែលធ្វើឲ្យអ្នកចេះតែឡើងគីឡូមិនឈប់ ទោះមិនញ៉ាំច្រើន
ចន្លោះមិនឃើញ
ការព្យាយាមសម្រកគីឡូ ជារឿងមួយដែលពិបាកបំផុតសម្រាប់អ្នកធាត់។ ញុំាមិនឈប់ គីឡូចេះតែងឡើងជារឿងធម្មតា តែបើប្រឹងកាត់បន្ថយការញុំាហើយ គីឡូនៅតែមិនចុះ យល់ល្អគួរទៅជួបពេទ្យពិភាក្សារកមូលហេតុ។ ជាការពិតណាស់ មានហេតុផលជាច្រើនក្រៅពីការញុំា ដែលអាចធ្វើឲ្យអ្នកចេះតែធាត់ឡើងៗ បើទោះជាព្យាយាមញុំាតិចជាងមុខ ដូចជា៖
១.បរិភោគអាហារដែលមិនត្រឹមត្រូវ
ការញ៉ាំអាហារតិចនឹងមិនអាចជួយឲ្យស្រកគីឡូបានឡើយ ប្រសិនបើរបបអាហាររបស់អ្នករួមបញ្ចូលជាមួយអាហារដែលមានកាឡូរីខ្ពស់។ អាហារមួយចំនួនត្រូវបានគេចាត់ទុកថាមានសុខភាពល្អ ប៉ុន្តែមានកាឡូរីខ្ពស់ផងដែរ។ ត្រូវចាំថាខ្លួនប្រាណរបស់អ្នកក៏ត្រូវការកាឡូរីដែរ សំខាន់ត្រូវញុំាក្នុងកម្រិតសមល្មម ។ មួយវិញទៀតអ្នកគួរពិភាក្សាជាមួយអ្នកជំនាញក្នុងការញ៉ាំអាហារ។
២. ញ៉ាំអាហារមានជីវជាតិមិនគ្រប់គ្រាន់ ធ្វើឲ្យបាក់កម្លាំង
ញ៉ាំតិចតែឡើងគីឡូ គឺជាការត្អូញត្អែររបស់មនុស្សដែលចង់ស្រកទម្ងន់។ តាមពិតទៅការញ៉ាំអាហារតិចពេកក៏អាចប៉ះពាល់ដល់លទ្ធផលសម្រកទម្ងន់ផងដែរ។ ញ៉ាំតិចពេក នឹងធ្វើឲ្យរាងកាយខ្វះនូវសារធាតុចិញ្ចឹម លើសពីនេះអ្នកនឹងគ្មានកម្លាំងក្នុងការហាត់ប្រាណ។
កាន់តែធ្ងន់ធ្ងរនោះ អ្នកអាចមានបញ្ហាប្រព័ន្ធរំលាយអាហារ ឬ ឈឺក្រពះ ប្រសិនបើអ្នកចេះតែ ព្យាយាមអត់ពេលដែលក្រពះកំពុងត្រូវការអាហារ។ បើអ្នកចង់ស្រកគីឡូប្រកបដោយសុខភាពល្អ គួរញុំាអាហារ ៣ ពេលឲ្យទៀងទាត់ ដោយប្តូរពីញុំាបាយ មកជាការញុំាបន្លែ ឬ គ្រាប់ធញ្ញជាតិ ជាដើម។
៣. ភាពតានតឹង (ស្ត្រេស)
ទោះពីជាអ្នកញ៉ាំតិច និងញ៉ាំអាហារសុខភាពក៏ដោយ តែអ្នកនៅតែឡើងទម្ងន់ដោយសារតែ ស្ត្រេស។ បើអ្នកស្ថិតក្នុងភាពតានតឹង អ័រម៉ូនស្ត្រេសនឹងកើនឡើង ហើយវានឹងប្រមូលផ្ដុំខ្លាញ់នៅជុំវិញតំបន់ពោះរបស់អ្នក។
៤. ជំងឺក្រពេញទីរ៉ូអ៊ីត
ក្រពេញទីរ៉ូអ៊ីត ជាភ្នាក់ងារគ្រប់គ្រងការរំលាយអាហាររបស់អ្នក ដូច្នេះហើយនៅពេលក្រពេញទៅរ៉ូអ៊ីតមិនដំណើរការវានឹងធ្វើឲ្យអ្នកឡើងទម្ងន់។ អ្នកគួរទៅជួបគ្រូពេទ្យប្រសិនបើអ្នកសង្ស័យថាអ្នកមានបញ្ហានេះ ដើម្បីបញ្ជាក់ថាអ្នកមានបញ្ហាមែន ឬអត់ និងអាចព្យាបាលទាន់ពេលវេលា។
៥. គេងមិនគ្រប់គ្រាន់
កង្វះដំណេកញឹកញាប់ អាចបណ្ដាលឲ្យឡើងទម្ងន់ ព្រោះបើដល់ម៉ោងត្រូវដេក តែអ្នកបែរជាដេកមិនលក់ រាងកាយអ្នកនឹងទៅភ្ញោចអ័រម៉ូន leptin និង ghrelin ដែលធ្វើឲ្យអ្នកចេះតែឃ្លានអាហារច្រើនជាមុន។ ម្យ៉ាងគេងមិនគ្រប់គ្រាន់ ធ្វើឲ្យអស់កម្លាំងដែលធ្វើឲ្យអ្នកមិនចង់ធ្វើសកម្មភាពអ្វីឡើយ។
៦.ដុតថាមពលតិចពេក ពេលហាត់ប្រាណ
អ្នកប្រហែលជាដុតកាឡូរី តិចជាងអ្វីដែលអ្នកញ៉ាំ ឬហាត់ប្រាណមិនត្រូវតាមក្បួនដែលជួយឲ្យអ្នកអាចសម្រកទម្ងន់។ ប្រយ័ត្នមែនទែន បើហាត់ខុសក្បាច់ ឬ តក់ក្រហល់ពេក អាចធ្វើឲ្យឈឺចាប់រាងកាយ លែងចង់ហាត់ទៀត ឬ ថ្លោះចង្កេះក៏មាន។ គួរចាប់ផ្តើមហាត់តាមសម្រួល ពីយឺតៗ ទៅលឿន ៕
Manulife Cambodia គាំទ្រការស្រលាញ់សុខភាព
ប្រភពដកស្រង់ និងកែសម្រួលចេញពី៖