ចង់ឲ្យទ្វារមាសមានសុខភាពល្អ គួរព្យាយាមញ៉ាំអាហារទាំងនេះ

2020-07-30 09:10:44
ព័ត៌មាន

2020-07-30 09:10:44
ចំនួនមតិ 0 | ចំនួនចែករំលែក 0

ចន្លោះមិនឃើញ

របបអាហារដែលត្រឹមត្រូវ អាចធ្វើឲ្យទ្វារមាសមានសុខភាពល្អ តាមរយៈការបំបាត់ការបង្ករោគ សម្រួលដល់ការមិនមានផាសុកភាព និងប្រឡូកប្រឡាក់ច្រើននៅលើគ្រែគេង។ តើអ្នកកំពុងតែឆ្ងល់ថា តើគួរញ៉ាំអ្វីទើបល្អមែនទេ? សូមតាមដានដូចខាងក្រោមនេះ៖

អាហារ ដែលជួយបំបាត់ភាពស្ងួតរបស់ទ្វារមាស

មូលហេតុចំបងបំផុតដែលនាំឲ្យមានបញ្ហាបែបនេះ គឺការថយចុះនៃអ័រម៉ូនអេស្រូជែន ដោយសាររាំងរដូវ បំបៅដោះកូន ឬសម្រាលកូន។ ដូច្នេះ ចូរព្យាយាមញ៉ាំអាហារធ្វើពីសណ្តែកសៀង និងតៅហ៊ូ ព្រោះវាផ្ទុកទៅដោយសារធាតុ Isoflavin ដែលដូចគ្នានឹងអ័រម៉ូនអេស្រូជែនដែរ ព្រមទាំងអាចផ្តល់សំណើមដល់ជាលិកាស្បែកទៀតផង។

អាហារ ដែលជួយឲ្យឈានដល់ចំណុចកំពូលក្នុងពេលរួមភេទកាន់តែខ្លាំងក្លា

ការសិក្សាមួយដែលចុះផ្សាយក្នុងសារព័ត៌មាន Achieves of Gynaecology and Obstetrics បានឲ្យដឹងថា ស្ត្រីដែលញ៉ាំអាហារសម្រន់ជាផ្លែប៉ោមមួយផ្លែក្នុងមួយថ្ងៃ ឃើញថា ធ្វើឲ្យមុខងារផ្លូវភេទរបស់ពួកគេឡើងខ្ពស់ជាងអ្នកដែលមិនបានញ៉ាំ។ ផ្លែប៉ោមមានសារធាតុ Polyphenols ដែលអាចបង្កើនសុខភាពដល់ជាលិកាទ្វារមាស និងកាន់តែឆាប់ឈានដល់ចំណុចកំពូលក្នុងពេលរួមភេទ។

(រូបភាពពី Freepik)

អាហារ ដែលជួយបង្ការការបង្ករោគដោយមេរោគផ្សិត

ការញ៉ាំអាហារសម្បូរសារធាតុប្រូបាយអូទិច ដូចជា ទឹកដោះគោយ៉ាអួ អាចជួយថែរក្សាតុល្យភាពបាក់តេរីល្អៗក្នុងទ្វារមាសបាន។ រឿងនេះក៏ជំរុញដល់កម្រិត pH ដ៏ល្អមួយក្នុងទ្វារមាសសម្រាប់បណ្តុះបាក់តេរីល្អៗប្រកបដោយសុខភាពល្អក្នុងទ្វារមាសថែមទៀត។

អាហារ ដែលជួយប្រឆាំងការបង្ករោគនៅផ្លូវទឹកម៉ូត្រ

សារធាតុ Catechins ក្នុងតែបៃតងផ្តល់នូវសារធាតុប្រឆាំងបាក់តេរីយ៉ាងខ្លាំងក្លាមួយដែលអាចទប់ស្កាត់ការបង្ករោគនៅផ្លូវទឹកម៉ូត្របាន។ សារធាតុ Catechins នឹងបញ្ចេញចោលតាមរយៈផ្លូវទឹកនោម ដូច្នេះ វានឹងកាត់បន្ថយបាក់តេរី និងឱកាសបង្ករោគនៅតំបន់នេះបាន។ ដូច្នេះចូរប្រាកដថា អ្នកបានញ៉ាំតែបៃតងពី ២ ទៅ៣ពែងក្នុងមួយថ្ងៃ។

អាហារ ដែលជួយកាត់បន្ថយការឈឺចាប់ខ្លាំងក្នុងពេលមករដូវ

ចូរញ៉ាំត្រីឲ្យបានច្រើន បើសិនជារដូវរបស់អ្នក ធ្វើឲ្យឈឺពោះខ្លាំង។ សារធាតុអាស៊ីតខ្លាញ់អូមេហ្គាបីក្នុងត្រីនឹងដើរតួនាទីប្រឆាំងការរលាក ដើម្បីជួយសម្រួលដល់ការមិនមានផាសុកភាព ដែលបង្កឡើងដោយសារធាតុ Prostaglandin៕

ប្រភព៖ Health.com.kh ដោយ៖ វិចិត្រ