កម្មវិធី ABA Mobile ទទួលបានការបង្កើនសមត្ថភាពដ៏សំខាន់ចំនួន ២ទៀត គឺ​ការដាក់ឲ្យដំណើរការការស្នើសុំបើកកាតប្លាស្ទិក និងការបង្កើនចំនួនទឹកប្រាក់អតិបរមា​សម្រាប់​សេវាផ្ទេរប្រាក់ក្រៅប្រទេសតាម SWIFT។

ជាមួយមុខងារស្នើសុំបើកកាតឥណពន្ធប្លាស្ទិក អ្នកប្រើប្រាស់កម្មវិធី ABA Mobile ឥឡូវនេះអាចឆែកមើលជម្រើសកាត ABA ហើយជ្រើសរើសកាតដែលសមស្របបំផុត និងស្នើសុំបើកកាតនោះ គ្រាន់តែចុចពីរបីប៉ក់នៅក្នុងទូរសព្ទរបស់ពួកគេ ដោយមិនចាំបាច់អញ្ជើញមកកាន់សាខាធនាគារឡើយ។ អតិថិជនអាចជ្រើសរើសស្នើសុំឲ្យប្រគល់​កាតថ្មីរបស់ពួកគេដល់គេហដ្ឋាន ឬការិយាល័យរបស់ពួកគេបាន (សម្រាប់តែនៅរាជធានីភ្នំពេញប៉ុណ្ណោះ) ឬទៅទទួលកាតនៅតាមសាខាដែលនៅជិតអ្នកបំផុត។

កម្មវិធី ABA Mobile បង្កើនសមត្ថភាពថ្មីសម្រាប់ការស្នើសុំបើកកាតប្លាស្ទិក និងចំនួនកំណត់សេវាផ្ទេរក្រៅប្រទេសតាម SWIFT

ខាងក្រោមនេះជារបៀបងាយៗក្នុងការស្នើសុំបើកកាតប្លាស្ទិកថ្មីនៅក្នុងកម្មវិធី ABA Mobile ៖

១. ចុចលើប៊ូតុង កាត នៅលើអេក្រង់កម្មវិធី

២. ចុចប៊ូតុង កាតឥណពន្ធ

៣. ជ្រើសរើស កាត Visa, Mastercard ឬ UPI

៤. ជ្រើសរើស គណនីប្រាក់ដុល្លារ ដែលអ្នកចង់ភ្ជាប់ជាមួយកាត

៥. ជ្រើសរើស ជម្រើសទទួលកាតថ្មី (អ្នកអាចជ្រើសរើសទទួលកាតនៅតាមសាខា ឬប្រគល់ឲ្យអ្នក (សម្រាប់តែនៅរាជធានីភ្នំពេញប៉ុណ្ណោះ))

៦. បញ្ជាក់ការស្នើសុំជាមួយលេខកូដ PIN ៤ ខ្ទង់របស់កម្មវិធី ABA Mobile របស់អ្នក

មុខងារនេះជាការបន្ថែមលើមុខងារដែលមានស្រាប់ក្នុងការបើក កាតនិម្មិត ក្នុងកម្មវិធី ABA Mobile។

សម្រាប់ព័ត៌មានអំពីកាតនិម្មិតនេះ អ្នកអាចចុចនៅទីនេះ ។

សម្រាប់សម្ថភាពថ្មីមួយទៀត គឺការផ្ញើប្រាក់ចំនួនកាន់តែច្រើនជាងមុនតាម SWIFT នៅក្នុងកម្មវិធី ABA Mobile មុខងារអាប់ឡូតឯកសារគាំទ្រត្រូវបានដាក់បន្ថែម។ ឥឡូវនេះអ្នកប្រើប្រាស់កម្មវិធី ABA Mobile អាចផ្ញើប្រាក់ទៅក្រៅប្រទេសរហូតដល់ ៣ម៉ឺនដុល្លារ ដោយប្រើសេវាផ្ទេរប្រាក់ក្រៅប្រទេសតាម SWIFT បន្ទាប់ពីអាប់ឡូតរូបភាព ឬឯកសារស្គែនដែលបង្ហាញពីគោលបំណងនៃការផ្ទេរប្រាក់នោះ (កិច្ចព្រមព្រៀង កិច្ចសន្យា វិក្កយបត្រ និងឯកសារផ្សេងៗ)។ ចំនួនកំណត់ប្រចាំខែនៃសេវាផ្ទេរប្រាក់ក្រៅប្រទេសតាម SWIFT តាមទូរស័ព្ទ ឥឡូវនេះក៏ត្រូវបានបង្កើន និងមានចំនួនរហូតដល់ ៦ម៉ឺន​ដុល្លារ។

ដើម្បីផ្ញើប្រាក់ចំនួនលើសពី ១ម៉ឺន​ដុល្លារ តាម SWIFT នៅក្នុងកម្មវិធី ABA Mobile សូមអនុវត្តតាមជំហានទាំងនេះ៖

១. បើកកម្មវិធី ABA Mobile និងចុចលើប៊ូតុង ផ្ទេរប្រាក់

២. ជ្រើសរើស ផ្ទេរប្រាក់ក្រៅប្រទេសតាម SWIFT

៣. ជ្រើសរើស គណនីដែលអ្នកចង់ផ្ទេរចេញ

៤. បំពេញព័ត៌មានលម្អិតរបស់អ្នកទទួល (*) និងចំនួនទឹកប្រាក់ផ្ទេរ

៥. ចុចប៊ូតុង បន្ទាប់ ដើម្បីអាប់ឡូតឯកសារគាំទ្រនានា

(*) ប្រសិនបើអ្នកកំពុងផ្ញើប្រាក់ទៅកាន់គណនីផ្ទាល់ខ្លួនរបស់អ្នកនៅក្រៅប្រទេស មិនចាំបាច់មានឯកសារគាំទ្រសម្រាប់ប្រតិបត្តិការនោះទេ។

សម្រាប់ព័ត៌មានបន្ថែមអំពីសេវាផ្ទេរប្រាក់ក្រៅប្រទេសតាម SWIFT នៅក្នុងកម្មវិធី ABA Mobile សូមចូលទៅកាន់ទំព័រវិបសាយ សេវាផ្ទេរប្រាក់ SWIFT តាមទូរសព្ទរបស់ធនាគារយើងខ្ញុំ ដែលមាននៅទីនេះ ។

ដើម្បីទទួលបានមុខងារចុងក្រោយបង្អស់ទាំងនេះ សូមអាប់ដេតកម្មវិធី ABA Mobile ពី App Store និង Google Play Store ថ្ងៃនេះ៕