អាជ្ញាធរសុខាភិបាលចិន បាននិយាយនៅថ្ងៃច័ន្ទនេះថា ខ្លួនបានទទួលរបាយការណ៍ នៃការការពារជំងឺកូវីដ១៩ ចំនួន ៤៣ ករណី កាលពីថ្ងៃអាទិត្យ តួលេខនេះរួមមានករណីនាំចូលចំនួន ៧ ករណី និងករណីឆ្លង ៣៦ ករណី។

គណៈកម្មាធិការសុខភាពជាតិបាននិយាយនៅក្នុងរបាយការណ៍ប្រចាំថ្ងៃរបស់ខ្លួនថា ករណីនាំចូលថ្មីចំនួន៣ ត្រូវបានរាយការណ៍នៅក្នុងខេត្តជាំងស៊ូ ២ ករណី នៅខេត្តសានដុង និងមួយករណីទៀតនៅខេត្តឡៅនីង និងខេត្តក្វាងទុង។

មនុស្ស ២៨នាក់ ក្នុងចំណោម ៣៦ ករណី គឺឆ្លងក្នុងស្រុកត្រូវបានគេរាយការណ៍នៅក្នុងតំបន់ស្វយ័តស៊ីនជាំងអ៊ុយហ្គ័រ និង ៨ នៅខេត្តឡៅនីង។

សេចក្តីរាយការណ៍បានបញ្ជាក់ថា មានករណីចំនួន ៣ ដែលត្រូវបានគេសង្ស័យថាមានជំងឺកូវីដ១៩ ដោយត្រូវបាននាំចូល នៅក្នុងក្រុងសៀងហៃ។

យ៉ាងណាមិញនៅក្នុងរបាយការណ៍ មិនមានករណីស្លាប់ដោយសារជំងឺកូវីដ១៩នោះទេ កាលពីថ្ងៃអាទិត្យ ម្សិលមិញនេះ។

គិតត្រឹមថ្ងៃទី ៣ ខែសីហា ២០២០ ប្រទេសចិនមានអ្នកឆ្លងជំងឺកូវីដសរុបចំនួន ៨៤,៤២៨នាក់ និងព្យាបាលជាសះស្បើយសរុបចំនួន ៧៩,០១៣នាក់ និងមានអ្នកស្លាប់សរុបចំនួន ៤,៦៣៤នាក់៕