- 2020-09-25 01:33:27
- ព័ត៌មាន
"ពើងទុកស្រូវ" ចម្លាក់លើថ្មភ្នំនៅតំបន់បេតិកភណ្ឌភ្នំត្បែង កម្រមានអ្នកទៅដល់
- 2020-09-25 01:33:27
- ចំនួនមតិ 0 | ចំនួនចែករំលែក 0
"ពើងទុកស្រូវ" ចម្លាក់លើថ្មភ្នំនៅតំបន់បេតិកភណ្ឌភ្នំត្បែង កម្រមានអ្នកទៅដល់
ចន្លោះមិនឃើញ
ពើងទុកស្រូវជាទីដ៏ស្ងប់ស្ងាត់ ស្ថិតនៅក្នុងព្រៃក្បែរប្រាសាទអ្នកតាទំនងមិនសូវមានអ្នកទេសចរទៅដល់ ច្រើនទេ ហើយប្រហែលជាមានតែឆ្មាំដែលចាំថែរក្សាប្រាសាទអ្នកតាទើបស្គាល់ច្បាស់។
ពើងទុកស្រូវជាពើងថ្មធម្មជាតិ កម្ពស់មិនលើសពី១០ម៉ែត្រ មានសណ្ឋានតូចល្មម អាចអោយមនុស្សជ្រកបានប្រមាណ១៥នាក់។ បើតាមលោក រ៉េត សាមុត ជាមគ្គុទេស ទីនោះមានចម្លាក់បដិមា៣អង្គមានលក្ខណៈព្រាលៗ មិនសូវច្បាស់ដែលដូនតាឆ្លាក់មក (មិនទាន់រួច) សម្រាប់ជាទីតាំងសមាធិរបស់ព្រាហ្មញសាសនិកជនណាមួយ។
បងប្អូនមួយចំនួនចូលចិត្តយកម្សៅទៅអង្អែលបំណងដើម្បីរកលេខឆ្នោតសព្វថ្ងៃស្ថិតនៅ ក្បែរប្រាសាទអ្នកតា (ស.វទី៩គ.ស) ស្ថិតនៅតំបន់បេតិកភណ្ឌភ្នំត្បែង មានផ្ទៃដីប្រមាណ២ម៉ឺន៥ពាន់ហិកតា ដែលមានភូមិសាស្ត្រជាប់ស្រុកចំនួនបួន គឺស្រុកសង្គមថ្មី ស្រុកគូលែន ស្រុករវៀង និងក្រុងព្រះវិហារ។
ក្រៅពីពើងទុកស្រូវអ្នកទេសចរអាចទស្សនាទីតាំងសំខាន់ជាច្រើនទៀតដូចជា ពើងតាំងយូ (អាស្រមលោកតាសួង), ថ្មហួត, ទឹកធ្លាក់ចាក់អង្រែតូច (តាំងយូ), ទឹកធ្លាក់កណ្តុរស, ទឹកធ្លាក់តាម៉ា, ទីសក្ការថ្មបីដុំ, វត្តដំបូកខ្មៅ, ពើងនាគខៀវ, អាងត្រាំថ្នាំ, ថ្មបន្តុប, អណ្តូងបុរាណ និងទំនប់ទឹក៩៥ (ជើងភ្នំត្បែង)៕