- 2020-11-15 03:56:48
- ព័ត៌មាន
មានដឹងអត់ថា ប្រធានាធិបតីអាមេរិកណាជាអ្នកជួបជាមួយមេដឹកនាំខ្មែរមុនគេបង្អស់?
- 2020-11-15 03:56:48
- ចំនួនមតិ 0 | ចំនួនចែករំលែក 0
មានដឹងអត់ថា ប្រធានាធិបតីអាមេរិកណាជាអ្នកជួបជាមួយមេដឹកនាំខ្មែរមុនគេបង្អស់?
ចន្លោះមិនឃើញ
ប្រិយមិត្តក៏ជ្រាបដែរថា កម្ពុជា និងសហរដ្ឋអាមេរិកបានភ្ជាប់ទំនាក់ទំនងការទូតកាលពី ៧០ឆ្នាំមុន។ ក្នុងថ្ងៃនេះដែរ Sabay ចង់បង្វែរចំណាប់អារម្មណ៍មិត្តអ្នកអានមកស្គាល់ពីប្រធានាធិបតីអាមេរិកទី១ ដែលបានជួបជាមួយនឹងមេដឹកនាំខ្មែរ។
ប្រធានាធិបតីនោះគឺ ប្រធានាធិបតីអាមេរិកទី៣៤ លោក Dwight D. Eisenhower។ លោកបានបានគាល់សម្ដេចព្រះប្រមុខរដ្ឋ នរោត្ដម សីហនុ កាលពីចុងខែកញ្ញា ឆ្នាំ១៩៦០ អំឡុងពេលដែលព្រះអង្គសីហនុយាងមកថ្លែងសុន្ទរកថានៅមហាសន្និបាតអង្គការសហប្រជាជាតិ។
បើយោងតាមសៀវភៅ "សហរដ្ឋអាមេរិក និងកម្ពុជា, ១៨៧០-១៩៦៩" ដោយប្រវត្តិវិទូ Kenton Clymer ជំនួបរវាងប្រមុខរដ្ឋនៃប្រទេសទាំងពីរ ត្រូវបានផ្គូផ្គងដោយឯកអគ្គរដ្ឋទូតអាមេរិក William C. Trimble ដើម្បីប៉ះប៉ូវនូវទំនាក់ទំនងកម្ពុជា-អាមេរិកនៅពេលនោះ។
ក្នុងជំនួបនោះដែរ សម្ដេចសីហនុ ក៏បានប្រទានលោក Eisenhowerនូវព្រះពុទ្ធរូបសម័យអង្គរមួយអង្គទុកជាវត្ថុអនុស្សាវរីយ៍៕