- 2020-12-26 07:05:39
- ព័ត៌មាន
ព្រះពុទ្ធអង្គធំអដ្ឋរស្ស ដែលរឿងព្រេងថាចិន សង់បិទរូងសត្វមករដ៏អាថ៌កំបាំងត្រូវសង់ឡើងវិញ
- 2020-12-26 07:05:39
- ចំនួនមតិ 0 | ចំនួនចែករំលែក 0
ព្រះពុទ្ធអង្គធំអដ្ឋរស្ស ដែលរឿងព្រេងថាចិន សង់បិទរូងសត្វមករដ៏អាថ៌កំបាំងត្រូវសង់ឡើងវិញ
ចន្លោះមិនឃើញ
ភ្នំឧដុង្គជាអតីតរាជធានីបុរាណនាសតវត្សទី១៧ ពីឆ្នាំ ១៦១៨ ដល់ឆ្នាំ ១៨៦៦ ហើយត្រូវបានបោះបង់ចោលក្នុងរជ្ជកាលដោយ ព្រះបាទនរោត្តម នៅឆ្នាំ១៩៦៦ ដោយផ្លាស់រាជធានីទៅកាន់រាជធានីភ្នំពេញរហូតដល់សព្វថ្ងៃ។
ឧដុង្គមានចម្ងាយប្រមាណ ៤០គីឡូម៉ែត្រភាគពាយព្យនៃក្រុងភ្នំពេញ ស្ថិតនៅក្នុងឃុំផ្សារដែក និងឃុំភ្នំបាត ស្រុកពញាឮ ខេត្តកណ្ដាល។ ភ្នំនេះមានឈ្មោះបីគឺ ភ្នំឧដុង្គ ភ្នំព្រះរាជទ្រព្យ និងភ្នំអដ្ឋរស្ស។ ភ្នំនេះជាទីកន្លែងសម្រាប់បញ្ចុះសពនៃព្រះរាជវង្សានុវង្ស និងជាកន្លែងព្រះរាជាទ្រង់ព្រះរាជានុញ្ញាតឱ្យសាងសង់វត្ត និងព្រះវិហារ។
ក្រៅពីចេតិយ និងសំណង់ប្រវត្តិសាស្ត្រនានា នៅលើភ្នំមានព្រះវិហារមួយ មានព្រះពុទ្ធរូបដ៏ធំកម្ពស់១៨ហត្ថ ដែលមានប្រវត្តិពាក់ព័ន្ធនឹង ប្រទេសចិន និងរឿងព្រេងដ៏អាថ៌កំបាំង។ គេនិទានថា អំឡុងសតវត្សទី១៣ ស្ដេចចិនបានចាត់ឱ្យបេសកជនមកនគរខ្មែរ និងសង្កេតឃើញថា ខ្មែរធ្លាប់ជាប្រទេសថ្កុំថ្កើងរុងរឿងមានឫទ្ធានុភាព តែបានចុះអាប់ឱនជាងមុន។ យ៉ាងណាមិនយូរប៉ុន្មាននគរនេះមុខជា ប្រសព្វនឹងសេចក្ដីថ្កុំថ្កើង រុងរឿងឡើងវិញលើសដើម។
តាមក្បួនចិនសែមើលឃើញទម្រង់ភ្នំ ដូចសត្វមករ ដែលមានតួខ្លួននៅត្រង់ចេតិយស្ថានត្រៃត្រិង្សក្បាល និងពុកមាត់នៅត្រង់ចេតិយទន្ទឹម រីឯកន្ទុយនៅត្រង់ព្រះពុទ្ធបដិមាចូលនិព្វាន។ នៅកំពូលភ្នំមានរូងមួយធំជ្រៅចុះទៅក្រោមដែល ពួកចិនយល់ឃើញថាមិនយូរប៉ុន្មានសត្វមករ នឹងកម្រើកចេញតាមរូងនេះ ហើយពេលសត្វមករផុសឡើង ខ្មែរ នឹងមានអំណាចខ្លាំងក្លានិងថ្កុំថ្កើងរុងរឿងអស្ចារ្យ។
ការព្យាករណ៍របស់ពួកចិនសែ ធ្វើឲ្យនាម៉ឺន និងស្ដេចចិនមិនសប្បាយចិត្តក៏រកមធ្យោបាយសន្ធប់រូបបិទ ឱ្យជិតដើម្បីកុំឱ្យសត្វមករផុសឡើងបាន។ ពួកចិនគិតថាមានតែសង់វិហារតម្កល់ព្រះពុទ្ធបដិមាឱ្យធំនៅទីនោះព្រោះប្រជាជនខ្មែរ ជាអ្នកកាន់ព្រះពុទ្ធសាសនានឹងមិនគាស់រំលីងព្រះពុទ្ធបដិមានោះឡើយ។ ដូច្នេះទើបស្ដេចចិន ចេញបញ្ជាឱ្យគេសាងសង់ព្រះវិហារ ដោយសាងព្រះពុទ្ធបដិមា កម្ពស់១៨ហត្ថ ដោយបែរមុខទៅទិសខាងជើង តម្រង់ទៅស្រុកចិន។ ដោយសារអាយុកាល, កត្តាធម្មជាតិ និងសង្គ្រាម ព្រះវិហារអដ្ឋរស្ស បានរងការខូចខាតយ៉ាងខ្លាំង។
យ៉ាងណាបច្ចុប្បន្នក្រសួង បានចាប់ផ្ដើម ជួសជុល ព្រះវិហារអដ្ឋរស្ស និងព្រះពុទ្ធបដិមាអង្គធំ ឡើងវិញដើម្បីទុកជាកេរដំណែលប្រវត្តិសាស្ត្រ តទៅជំនាន់ក្រោយទៀត ហើយប្រវត្តិនៃរឿងព្រេងខាងលើនេះគ្រាន់ជាការតំណាលតៗគ្នាប៉ុណ្ណោះ ជាក់ស្ដែង បើតួភ្នំព្រះរាជទ្រព្យទាំងមូល មានរាងជាសត្វមករទៅហើយចាំបាច់មានមករ ឯណាផុសចេញពីរូងទៀត។ មករផុសរួចហើយ តាមរយៈតួភ្នំព្រះរាជទ្រព្យនេះ បានសេចក្ដីថាភ្នំនេះ ជាសិរីមង្គលរបស់កម្ពុជាជាអមត៕