ក្រសួងចេញសេចក្ដីប្រកាសព័ត៌មានស្ដីពី ការផ្អាកផ្សាយពាណិជ្ជកម្មលើ Youtube នៅកម្ពុជា

2021-05-17 12:12:54
ព័ត៌មាន

2021-05-17 12:12:54
ចំនួនមតិ 0 | ចំនួនចែករំលែក 0

ចន្លោះមិនឃើញ

អម្បាញ់មិញនេះ ក្រសួងប្រៃសណីយ៍និងទូរគមនាគមន៍ បានចេញពីសេចក្ដីប្រកាសព័ត៌មានស្ដីពីមូលហេតុ ដែលក្រុមហ៊ុនយូធូប (Youtube) បានផ្អាកមិនឲ្យមានការផ្សាយពាណិជ្ជកម្មលើវីដេអូនៅប្រទេសកម្ពុជា និងប្រទេសជាង ៩០ទៀត។

បើតាមសេចក្ដីប្រកាសព័ត៌មានខាងលើ មូលហេតុដែល Youtube សម្រេចចិត្តផ្អាកពាណិជ្ជកម្មនេះគឺដោយសារតែក្រុមហ៊ុនកំពុងកែសម្រួលគោលការណ៍ផ្សាយពាណិជ្ជកម្ម ដោយនៅក្នុងពេលនេះក្រុមហ៊ុនផ្ដល់ឲ្យតែអ្នកផលិតវីដេអូណាដែលតាមបំពេញលក្ខខណ្ឌ "កម្មវិធីភាពជាអ្នកដៃគូ" (Youtube Parter Program) នៅក្នុងប្រទេសជាដៃគូប៉ុណ្ណោះទើបអាចរកចំណូលបាន។

Youtube នឹងបើកឲ្យមានការដាក់ពាណិជ្ជកម្មឡើងវិញជាបន្តបន្ទាប់ នៅប្រទេសកម្ពុជា ក៏ដូចជាជាង ៩០ប្រទេសទៀតតាមរយៈ Youtube Parter Program ។

តាមការពិនិត្យជាបឋម ចំពោះប្រទេសកម្ពុជា ខាងតំណាងក្រុមហ៊ុន Youtube ថាជាទីផ្សារមានលក្ខណៈសម្បត្តិល្អក្នុងការទទួល Youtube Parter Program ដែលការសម្រេចនេះទាមទារពេលវេលាក្នុងការរៀបចំ និងតម្រូវអ្នកផលិតវីដេអូនៅកម្ពុជាចូលរួមសហការ ឲ្យសមស្រប ទៅតាមគោលការណ៍ និងលក្ខខណ្ឌដែលក្រុមហ៊ុនបានកំណត់៕