- 2021-06-09 03:24:51
- ព័ត៌មាន
ឈប់ឆ្ងល់ទៀតទៅ! នេះហើយជាមូលហេតុដែល ភូមា ឬ មីយ៉ាន់ម៉ា ក្លាយជារដ្ឋមួយតែមានឈ្មោះពីរ
- 2021-06-09 03:24:51
- ចំនួនមតិ 0 | ចំនួនចែករំលែក 0
ឈប់ឆ្ងល់ទៀតទៅ! នេះហើយជាមូលហេតុដែល ភូមា ឬ មីយ៉ាន់ម៉ា ក្លាយជារដ្ឋមួយតែមានឈ្មោះពីរ
ចន្លោះមិនឃើញ
ភូមា ឬ មីយ៉ាន់ម៉ា គឺជាឈ្មោះរបស់ប្រទេសមួយស្ថិតនៅតំបន់ប្រជាជាតិអាស៊ីអាគ្នេយ៍ និងស្ថិតនៅមិនឆ្ងាយប៉ុន្មានពីប្រទេសកម្ពុជា ពោលគឺបាំងតែប្រទេសថៃមួយប៉ុណ្ណោះ និងធ្លាប់មានព្រំប្រទេសជាប់អាណាចក្រខ្មែរកាលពីសម័យបុរាណ។
អ្នកខ្លះហៅប្រទេសនេះថា ភូមា (Burma) ឬខ្លះហៅថា មីយ៉ាន់ម៉ា (Myanmar) ប៉ុន្តែនៅមានមនុស្សមួយចំនួនស្រពិចស្រពិលថាតើឈ្មោះនេះ មួយណាត្រឹមត្រូវ ឬក៏ត្រូវទាំងពីរ? មានមនុស្សតិចតួចណាស់អាចផ្តល់ចម្លើយបែបនេះបាន។ តាមពិតឈ្មោះផ្លូវការនៅលើឯកសារ ឈ្មោះរបស់ប្រទេសនេះគឺមីយ៉ាន់ម៉ា ដោយវាកើតឡើងនៅឆ្នាំ ១៩៨៩ នៅពេលដែលរដ្ឋាភិបាលយោធាបានដូរឈ្មោះពី "ភូមា" មកជា "មីយ៉ាន់ម៉ា" ក្រោយពីមនុស្សរាប់ពាន់នាក់ត្រូវបានសម្លាប់ក្នុងការបះបោរមួយ។
ទោះជាយ៉ាងណា ប្រជាជនភាគច្រើនបន្តនៅប្រើឈ្មោះទាំងពីរ ផ្លាស់ប្ដូរគ្នាដោយតែម្ដង។ នៅពេលយោធាដណ្ដើមអំណាចពីរដ្ឋាភិបាលឧត្ដមសេនីយ៍ឈ្មោះ ណេ វិន នៅឆ្នាំ១៩៨៩ មានការជំរុញអោយបង្កើតអត្តសញ្ញាណជាតិមួយ ក្នុងចំណោមក្រុមជនជាតិភាគតិចដ៏ច្រើនរបស់ប្រទេស។
បើគេប្រើពាក្យថា "ភូមា" គឺគេអាចគិតថាសម្រាប់ជនជាតិភូមាតែប៉ុណ្ណោះ ដូច្នេះ ការប្រើពាក្យ មីយ៉ាន់ម៉ា គឺជានយោបាយដែលត្រូវបានសន្មតថាវាក្ដោបយកមនុស្សទាំងអស់នៅក្នុងប្រទេសនេះ ដោយសារតែដែនដីមីយ៉ាន់ម៉ាគឺចម្រុះដោយជនជាតិដើមច្រើន បើទោះជាភូមាមានភាគច្រើនក៏ដោយ។ ការដូរឈ្មោះនេះក៏ជាវិធីមួយទៀតដើម្បីបំបាត់ឥទ្ធិពលអាណានិគមអង់គ្លេសចេញពីប្រទេស៕