- 2021-08-04 03:39:45
- ព័ត៌មាន
ភ្ញាក់ព្រឺត! ពេលដឹងថាស្ពានបណ្តែតទឹកមានតាំងពីសម័យបុរាណ សង់ពីឬស្សី អាចទ្រទម្ងន់បានរាប់សិបតោន
- 2021-08-04 03:39:45
- ចំនួនមតិ 0 | ចំនួនចែករំលែក 0
ភ្ញាក់ព្រឺត! ពេលដឹងថាស្ពានបណ្តែតទឹកមានតាំងពីសម័យបុរាណ សង់ពីឬស្សី អាចទ្រទម្ងន់បានរាប់សិបតោន
ចន្លោះមិនឃើញ
ស្ពានបណ្តែតទឹក ត្រូវបានរកឃើញថា មានប្រើតាំងពីសម័យបុរាណមកម្ល៉េះ ហើយវាសង់ពីដើមឬស្សី អាចទ្រទម្ងន់បានប្រមាណ ២០ ទៅ ៣០តោន។ តាមចម្លាក់បុរាណ បានបង្ហាញថា ស្ពាននោះសង់ពីដើមឬស្សី ចងភ្ជាប់គ្នាជាបាច់ៗ ហើយមានក្រាលក្តារ ឬបន្ទះឬស្សីពីលើ ដែលអាចធ្វើចរាចរពីលើបានងាយស្រួល។
ត្រង់នេះយើងអាចយល់បានថាស្ពានបណ្តែតទឹកធ្វើពីជ័រ ដែលគេដាក់ឆ្លងនៅប្រាសាទអង្គរជំនួសស្ពានហាលដែលកំពុងជួសជុល ពុំមែនមានជាលើកដំបូងនោះទេ គឺមានតាំងពីសម័យបុរាណមកម្ល៉េះ គ្រាន់តែសម្ភារ:យកមកសាងសង់ខុសគ្នាតាមទេសកាល និងប្រើបច្ចេកទេសមិនទំនើបដូចបច្ចុប្បន្នតែប៉ុណ្ណោះ។
ការសាងសង់ស្ពានបណ្តែតទឹកក្នុងតំបន់បេតិកភណ្ឌពិភពលោក គឺមានការឆ្លងយោបល់ និងជជែកគ្នាយ៉ាងយូរពី អ្នកបច្ចេកទេសជាតិ និងអន្តរជាតិ ហើយដោយបុព្វហេតុត សម័យអង្គរធ្លាប់សង់ស្ពានបណ្តែតទឹកនេះ ទើបគណ:កម្មាធិការអាយស៊ីស៊ី-អង្គរ បានគាំទ្រឲ្យមានការសង់ស្ពានបណ្តែតទឹកនេះឡើង។
ស្ពានបណ្តែតទឹក ឆ្លងទៅប្រាសាទអង្គរវត្ត ដែលនឹងដាក់ឲ្យប្រើជំនួសស្ពានហាល មានសមត្ថភាពអាចទ្រមនុស្សបានជាង ៦ពាន់នាក់ក្នុងពេលតែមួយ គ្រោងនឹងដាក់ដំណើរការតាំងពីខែឧសភា ឆ្នាំ២០១៧មកម្ល៉េះ។ អាជ្ញាធរជាតិអប្សរា និងសាកលវិទ្យាល័យសូហ្វីយ៉ាប្រទេសជប៉ុនបានជួសជុលស្ពានហាលប្រាសាទអង្គរវត្ត ដំណាក់កាលទី ២ ដោយបិទចរាចរណ៍ទាំងស្រុងជាច្រើនឆ្នាំមកហើយ។
ភ្ញៀវទេសចរណ៍ជាតិ ក៏ដូចជាអន្តរជាតិ បានឆ្លងកាត់ទៅទស្សនាប្រាសាទអង្គរវត្ត ដោយប្រើប្រាស់ស្ពានបណ្តែតទឹក ដែលស្ថិតនៅខាងត្បូងស្ពានហាលជំនួសវិញ ដើម្បីបញ្ជៀសនូវហានិភ័យ ដោយសារជួសជុល។ យ៉ាងណាស្ពានហាលប្រាសាទអង្គរវត្តគ្រោងបើកឲ្យឆ្លងធម្មតាវិញនៅក្នុងឆ្នាំ២០២១នេះ ក្រោយការជួសជុលជិតរួចរាល់ជាស្ថាពរ៕