ដល់បែកសំបុក មហាជនបើកភ្នែកធំៗ ពេលឃើញវីឡាចោរស្កឹមស្កៃ ស្ដុកស្ដម្ភហួសស្មាន!

2021-12-20 17:36:00
ព័ត៌មាន

2021-12-20 17:36:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមត្ថកិច្ចចម្រុះបានដុតដៃដុតជើង រហូតបំបែកសំបុកក្រុមចោរដ៏គឃ្លើនហ៊ានប្លន់ជំទាវ អ៊ាន សៀវម៉ី ទាំងកណ្ដាលថ្ងៃចែសបានហើយ ដោយបានធ្វើឲ្យភ្ញាក់ផ្អើលទាំងកណ្ដាលយប់ថ្ងៃទី ២០ ធ្នូនេះ។

តាមរបាយការណ៍របស់សមត្ថកិច្ច ក្រុមជនសង្ស័យត្រូវបានឃាត់ខ្លួនសរុបមានចំនួនដល់ទៅ ១២នាក់ឯណោះ ក្នុងនោះគួរឲ្យភ្ញាក់ផ្អើល ប្រធានគណបក្សខ្មែរក្រោក លោក សុខសុវណ្ណ វឌ្ឍនាសាប៊ុង ហៅ William Guang សង្ស័យមានជាប់ពាក់ព័ន្ធថែមទៀតផង។

ក្នុងចំណាត់ការមិនចាំស្អែកនេះ សមត្ថកិច្ចបានប្រតិបត្តិការទៅដល់សំបុករបស់ក្រុមជនសង្ស័យតែម្ដងដែលមានទីតាំងនៅក្នុងបុរីប៉េងហួត ផ្លូវ ៦០ម៉ែត្រ។ អ្វីដែលមហាជនចាប់អារម្មណ៍ និងបើកភ្នែកធំមួយរឿងទៀតនោះ គឺថា ក្រុមចោរមានជីវភាពមិនធម្មតា ដោយពួកគេរស់ក្នុងបុរីសម្រាប់អ្នកមានជីវភាពខ្ពស់ ហើយផ្ទះរបស់ពួកគេទៀតសោត ធំស្កឹមស្កៃ ហួសស្មាន ខណៈការតុបតែង ស្អាតដូចវាំងស្ដេច។

ប្រិយមិត្តខ្លះលាន់មាត់ ផ្ទះរបស់ចោរ ចង់ធំជាងផ្ទះរបស់ជនរងគ្រោះផង។ នៅពេលនេះ សមត្ថកិច្ច កំពុងបន្តនីតិវិធីចំពោះមនុស្សដែលពាក់ព័ន្ធលើអ្នកដែលឃាត់ខ្លួនបានទាំង១២អ្នក បន្តទៀត ដើម្បីកំណត់អត្តសញ្ញាណអ្នកពាក់ព័ន្ធពិតប្រាកដ៕