- 2022-02-23 07:30:35
- ព័ត៌មាន
ចេញអាការសង្ស័យតេស្តទៅឃើញក្រហម ២ឆ្នូត គឺកូវីដ តែបើ ១ឆ្នូត មានន័យថាឆ្លងមេរោគមួយនេះវិញ
- 2022-02-23 07:30:35
- ចំនួនមតិ 0 | ចំនួនចែករំលែក 0
ចេញអាការសង្ស័យតេស្តទៅឃើញក្រហម ២ឆ្នូត គឺកូវីដ តែបើ ១ឆ្នូត មានន័យថាឆ្លងមេរោគមួយនេះវិញ
ចន្លោះមិនឃើញ
រហូតមកដល់ពេលនេះ នៅតែមានប្រជាពលរដ្ឋមួយចំនួនយល់ច្រឡំថា ការធ្វើតេស្តរហ័សទោះបីជាឆ្លងជំងឺផ្ដាសាយធម្មតា ពេលតស្តទៅដឹងតែឃើញវិជ្ជមានកូវីដ-១៩ ហើយ។ យ៉ាងណាមិញការយល់ឃើញបែបនេះគឺមិនត្រឹមត្រូវនោះទេ ប្រសិនបើចេញអាការសង្ស័យ អ្នកបានធ្វើតេស្តរហ័ស ឃើញលទ្ធផលក្រហម ២ឆ្នូត នោះបញ្ជាក់ថា អ្នកបានឆ្លងមេរោគកូវីដ-១៩ យ៉ាងច្បាស់ណាស់។ ប៉ុន្តែប្រសិនបើលទ្ធផលតេស្តរហ័ស មិនបង្ហាញលទ្ធផលក្រហម ២ឆ្នូតទេ គឺមានន័យថា អ្នកឆ្លងមេរោគផ្ដាសាយ ឬ មេរោគដទៃ។ នេះបើតាមការបញ្ជាក់ពីនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល។
ក្នុងករណីការតេស្តរហ័សបង្ហាញលទ្ធផលវិជ្ជមានសូមប្រញាប់រាយការណ៍ជាបន្ទាន់ ទៅកាន់អាជ្ញាធរ ដើម្បីទទួលបានការណែនាំ និងព្យាបាលឱ្យបានត្រឹមត្រូវ។ ខាងក្រោមនេះ ជាចំណុចទាំង ៨ សម្រាប់អ្នកព្យាបាលជំងឺកូវីដ១៩តាមផ្ទះ ត្រូវដឹង និងអនុវត្តជាដាច់ខាត៖
១. ស្នាក់នៅបន្ទប់ដាច់ដោយឡែក ពីសមាជិកគ្រួសារ មានអនាម័យស្អាត និងមានខ្យល់ចេញ-ចូលល្អ។
២.ពាក់ម៉ាស លាងសម្អាតដៃ ឱ្យបានញឹកញាប់ ជាមួយសាប៊ូ និងទឹក ឬអាល់កុល និងរក្សាគម្លាតយ៉ាងតិច ២ម៉ែត្រ។
៣.បរិភោគអាហារមានជីវជាតិគ្រប់គ្រាន់ (សាច់ បន្លែ ផ្លែឈើ) និងពិសាទឹកឱ្យបានច្រើន
៤. តាមដានសុខភាពខ្លួនឯង ឱ្យបានញឹកញាប់ទៀតទាត់ជាប្រចាំ។
៥. ថែរក្សាសុខភាពផ្លូវចិត្ត និងធ្វើលំហាត់ប្រាណឱ្យបានទៀងទាត់។
៦. ហាមជក់បារី ផឹកស្រា ឬគ្រឿងស្រវឹងផ្សេងៗ។
៧. ប្រើប្រាស់សម្ភារដាច់ដោយឡែក និងបោកគក់ជាមួយសាប៊ូ និងទឹកឱ្យបានត្រឹមត្រូវ។
៨. វេចខ្ចប់សម្រាមចោលឱ្យបានត្រឹមត្រូវ និងដាច់ដោយឡែក។