- 2022-06-01 04:48:05
- ព័ត៌មាន
ចូលចិត្តទេសចរណ៍ តាមដាន! នេះគឺសេនារីយ៉ូ ៣ ចង្អុលបង្ហាញពីវិស័យទេសចរណ៍ពិភពលោកនាពេលខាងមុខ!
- 2022-06-01 04:48:05
- ចំនួនមតិ 0 | ចំនួនចែករំលែក 0
ចូលចិត្តទេសចរណ៍ តាមដាន! នេះគឺសេនារីយ៉ូ ៣ ចង្អុលបង្ហាញពីវិស័យទេសចរណ៍ពិភពលោកនាពេលខាងមុខ!
ចន្លោះមិនឃើញ
វិស័យទេសចរណ៍ជាឧស្សាហកម្មគ្មានផ្សេង និងជាវិស័យអាទិភាពមួយរបស់កម្ពុជាក្នុងការស្រូបយកប្រាក់ចំណូលចូលក្នុងសរសៃឈាមសេដ្ឋកិច្ចរបស់រដ្ឋ នេះនិយាយដោយឡែក។ និយាយជារួម ទេសចរណ៍ក៏ជាចំណុចអាទិភាពរបស់ប្រទេសជាច្រើន ក៏ដូចជាពិភពលោក ហើយវាមានកំណើនរាល់ៗឆ្នាំ។ ប៉ុន្តែវិស័យនេះ ត្រូវវាយឲ្យបាក់ស្បាតដោយសារ កូវីដ១៩ ក្នុងឆ្នាំ ២០២០ និង ២០២១។
សម្រាប់កម្ពុជា បើមើលនិន្នការភ្ញៀវទេសចរជាតិ និងអន្តរជាតិ ចាប់ពីឆ្នាំ ២០១០ ដល់ឆ្នាំ ២០១៩ បង្ហាញថា វិស័យទេសចរណ៍កម្ពុជា មានអាត្រាកើនឡើងជាលំដាប់ពីមួយឆ្នាំទៅមួយឆ្នាំ ក្នុងនោះភ្ញៀវទេសចរអន្តរជាតិកើនជាមធ្យម ១២% និងភ្ញៀវទេសចរក្នុងស្រុកកើន ៤,៦%។ ប៉ុន្តែឆ្នាំ ២០២០ ដែលជាឆ្នាំ មេរោគកូវីដ១៩ រីករាលដាលជាសកល ទេសចរណ៍កម្ពុជាធ្លាក់យ៉ាងគំហុក។ នេះបើតាមកម្រងឯកសារ "រាជរដ្ឋាភិបាលកម្ពុជា ផែនទីចង្អុលផ្លូវ" ស្ដីពីផែនការស្ដារវិស័យទេសចរណ៍កម្ពុជា ក្នុង និងក្រោយវិបត្តិកូវីដ១៩។
តាមតារាងនិន្នាការនៃភ្ញៀវទេសចរក្នុងស្រុក និងភ្ញៀវទេសចរអន្តរជាតិមកកម្ពុជា(២០១០-២០២០) ដោយស្រង់យកតែរបាយការណ៍ក្នុងឆ្នាំ ២០២០ បានបង្ហាញថា ភ្ញៀវទេសចរអន្តរជាតិបានធ្លាក់ចុះដល់ទៅ ១ ៣០៦ ១៤៣នាក់ស្មើ -៨០.២%។ ដោយឡែកភ្ញៀវទេសចរក្នុងស្រុកធ្លាក់ចុះ ៩ ០៤១ ៥៩៥នាក់ស្មើនឹង -២០,១%។
គិតជាសរុប វិស័យទេសចរណ៍កម្ពុជា ធ្លាក់ចុះចំនួនភ្ញៀវទេសចរចំនួន ១០ ៣៤៧ ៧៣៨នាក់ស្មើនឹង-៤២,៣%។ សម្រាប់វិស័យទេសចរណ៍ពិភពលោក តាមអង្គការទេសចរណ៍ពិភពលោក ការធ្វើដំណើរទេសចរណ៍អន្តរជាតិបានធ្លាក់ចុះក្នុងអត្រា -៧៤% នៅឆ្នាំ ២០២០។ ដូច្នេះក្រោយស្ថានភាពឆ្នាំ ២០២០ នោះ ស្ថានភាពទេសចរណ៍អន្តរជាតិបែបណាខ្លះ?
អង្គការទេសចរណ៍ពិភពលោក បានធ្វើការវិភាគ និងព្យាករណ៍ដើម្បីឆ្លុះបញ្ចាំងអនាគតវិស័យទេសចរណ៍ពិភពលោកតាម សេណារីយ៉ូចំនួន ៣៖
-សេណារីយ៉ូទី១៖ ភ្ញៀវទេសចរអន្តរជាតិនឹងងើបឡើងវិញនៅឆ្នាំ ២០២១ ហើយបន្តកើនឡើងដោយត្រឡប់ទៅរកភាពដើមវិញដូចកាលឆ្នាំ ២០១៩ ក្នុងរយៈពេល ២ឆ្នាំកន្លះ(ពាក់កណ្ដាលឆ្នាំ ២០២៣)។ នេះដោយសារឥទ្ធិពលនៃវ៉ាក់សាំងកូវីដ១៩ បានរុញដោលឲ្យមានកំណើនតម្រូវការនៃការធ្វើដំណើរមានការកើនឡើងខ្លាំងយ៉ាងគំហុក ព្រមជាមួយការដកគោលនយោបាយរឹតត្បិតពីប្រទេសនានា និងការផ្ដល់ទំនុកចិត្តដល់អ្នកដំណើរឡើងវិញជាដើមនៅពាក់កណ្ដាលឆ្នាំ ២០២១។
-សេណារីយ៉ូទី២៖ ភ្ញៀវទេសចរអន្តរជាតិនឹងងើបឡើងវិញនៅឆ្នាំ ២០២១ តែមានការអូសបន្លាយរហូតដល់ ៣ឆ្នាំ ទើបត្រឡប់ទៅកម្រិតឆ្នាំ ២០១៩(នៅចុងឆ្នាំ ២០២៣)
-សេណារីយ៉ូទី៣៖ ភ្ញៀវទេសចរអន្តរជាតិនឹងងើបឡើងវិញនៅឆ្នាំ ២០២១ តែមានការភាពយឺតយ៉ាវជាងសេណារីយ៉ូទី១ និងទី២ ដោយសារការដកគោលនយោបាយរឹតត្បិតនានានៅមានកម្រិតនៅឡើយ ដែលធ្វើឲ្យសេណារីយ៉ូនេះទទួលបានភ្ញៀវទេសចរអន្តរជាតិ ត្រឡប់ទៅរកកម្រិតឆ្នាំ ២០១៩ វិញនៅក្នុងរយៈពេល៤ឆ្នាំ(នៅចុងឆ្នាំ ២០២៤)៕