- 2022-06-14 08:00:39
- ព័ត៌មាន
ឡូយណាស់ ក្រុមហ៊ុនអន្តរជាតិមួយចុះមកសិក្សាគម្រោងបើកសាលាថែទាំយន្តហោះនៅកម្ពុជា
- 2022-06-14 08:00:39
- ចំនួនមតិ 0 | ចំនួនចែករំលែក 0
ឡូយណាស់ ក្រុមហ៊ុនអន្តរជាតិមួយចុះមកសិក្សាគម្រោងបើកសាលាថែទាំយន្តហោះនៅកម្ពុជា
ចន្លោះមិនឃើញ
តាមការជូនដំណឹងរបស់ វិទ្យាស្ថានតេជោសែន សាធារណការ និងដឹកជញ្ជូន ថ្មីៗនេះបានឲ្យដឹងថា ក្រុមហ៊ុនបរទេសមួយដែលមានមូលដ្ឋាននៅក្នុងប្រទេសថៃបានចុះមកកម្ពុជាសិក្សាពីគម្រោងបើកសាលាថែទាំយន្តហោះ។
ក្រុមហ៊ុនអន្តរជាតិនេះមានឈ្មោះថា ក្រុមហ៊ុន Aviation Maintenance Expert Enterprise Co,.Ltd ដោយពួកគេ បានជួបជាមួយឯកឧត្តម ហឿន សំនៀង នាយកវិទ្យាស្ថាន ក្នុងឱកាសជួបពិភាក្សាគ្នាលើកដំបូងអំពីគម្រោង។
ក្រោមការសម្របសម្រួលពីឯឧត្តម Nirawat Sirikanchana, Minister Counsellor នៃស្ថានទូតថៃប្រចាំនៅកម្ពុជា និង ក្រុមហ៊ុនPrivate Jet ( JFT Jet )តំណាងដោយលោកស្រី ខែក ខេមរ៉ាត អគ្គនាយិកា ក្រុមហ៊ុន។ កិច្ចពិភាក្សានេះបានលើកឡើង អំពីការសិក្សាស្វែងយល់ពីគ្នាទៅវិញទៅមក រវាងវិទ្យាស្ថានតេជោសែន សាធារណការ និងដឹកជញ្ជូន នៃក្រសួងសាធារណការ និងដឹកជញ្ជូន និងក្រុមហ៊ុន Aviation Maintenance ដែលក្រុមហ៊ុនមានបំណងស្វែងរកដៃគូរក្នុងប្រទេសកម្ពុជា ដើម្បីជាសាលាបណ្តុះបណ្តាល ឬកម្មវិធីបណ្តុះបណ្តាលទាក់ទងយន្តហោះ។
ក្នុងឱកាសនោះដែល លោកបណ្ឌិត Pongpan ប្រធានក្រុមហ៊ុន Aviation Maintenance បានធ្វើបទបង្ហាញអំពីវគ្គដែលត្រូវសិក្សា ផ្នែកបើកយន្តហោះ នឹងការថែទាំយន្តហោះផងដែរ។ ជាមួយគ្នា ឯកឧត្តម ហឿន សំនៀង បានជម្រាបជូនគណប្រតិភូ ដោយសង្ខេបអំពីវិទ្យាស្ថានតេជោសែន សាធារណការ និងដឹកជញ្ជូន និងកម្មវិធីសិក្សាកម្រិតបរិញ្ញាបត្រ-វិស្វករ លើជំនាញទាំង៦ ព្រមទាំងកម្មវិធីបណ្តុះបណ្តាលទាំងជំនាញផ្នែកបច្ចេកទេស និងផ្នែកទន់ ក្រោមរូបភាពកិច្ចសហប្រតិបត្តិការជាមួយដៃគូនានា។
ទន្ទឹមគ្នានោះក្រុមហ៊ុនក៏បានសូមអញ្ចើញឯកឧត្តមនាយកវិទ្យាស្ថានទៅទស្សនៈកិច្ចនៅក្រុមហ៊ុនAviation Maintenance Expert Enterprise Co,.Ltd ដោយផ្ទាល់នៅប្រទេសថៃ។ នៅចុងបញ្ចប់នៃកម្មវិធីក៏មានការដើរទស្សនកិច្ចវិទ្យាស្ថានតេជោសែន សាធារណការ និងដឹកជញ្ជូន និងក្រសួងសាធារណការនិង ដឹកជញ្ជូនផងដែរ។
យ៉ាងណា មិនទាន់មានការបើកបង្ហាញថា ភាគីទាំងពីរបានព្រមព្រៀងគ្នាលើចំណុចណាខ្លះ ឬនៅជជែកគ្នាបន្តលើអ្វីខ្លះនោះទេ៕