- 2015-10-05 18:01:07
- ព័ត៌មាន
តាផល ឈូសទឹកកក រាល់ថ្ងៃដូចហាត់ប្រាណដែរ
- 2015-10-05 18:01:07
- ចំនួនមតិ 0 | ចំនួនចែករំលែក 0
តាផល ឈូសទឹកកក រាល់ថ្ងៃដូចហាត់ប្រាណដែរ
ចន្លោះមិនឃើញ
បុរសវ័យ ៦០ ឆ្នាំឈ្មោះថា តាផល ជាអ្នកលក់ទឹកកកឈូសម្នាក់បានប្រាប់ Sabay ថា ការលក់ដូរបែបនេះបានទាំងកម្រៃ និង ហាត់ប្រាណ ហើយសុខភាពរបស់គាត់ក៏មិនដែលឈឺថ្កាត់ដែរ។
តាផលបានបន្តថា «ព្រឹមឡើងបែកញើសៗ មិនដែលឈឺថ្កាត់អីទេ ស្រួលដែរ»។ ជាមួយនឹងកង់របស់គាត់ តាផលងើបតាំងពីម៉ោង ៥ ព្រឹក ធាក់កង់ចេញពីផ្ទះនៅ ព្រែកទាល លក់ទឹកកកឈូសតាម សាលារៀន តែដោយឡែក នេះជារដូវកាលកាន់បិណ្ឌ តាផល ងាកមកលក់នៅឯក្នុងវត្តពោធិ៍ចិនតុងវិញ រហូតដល់ម៉ោង ៥ ល្ងាចទើបចូលផ្ទះ។
ក្នុងមួយថ្ងៃ តាផលលក់ទឹកកកអស់ ជិតមួយដើមធំ និងអាចរកប្រាក់ចំណូលពី បីម៉ឺនទៅបួនម៉ឺនរៀល ដោយក្នុងមួយកែវតូចមានតម្លៃ ៥០០រៀល និង កែវធំមានតម្លៃ ១០០០រៀល។
« មិនដឹងជាធ្វើអីផ្សេងទៀតទេថ្ងៃមុខទៅ មានតែលក់ទឹកកកឈូសហ្នឹងហើយ ខ្ញុំលក់តាំងឆ្នាំកៅមួយ មកម្ល៉េះ រកស៊ីបានជាមួយនឹងក្មេងៗ សុខភាពអីមិនដែលឈឺថ្កាត់ទេ! »។ តាផលបានបញ្ជាក់៕
សូមទស្សនាវីដេអូ៖
https://www.youtube.com/watch?v=rv6e1trIJk4
អត្ថបទ៖ ណេង ណេង រូបថត៖ ទូរសព្ទដៃ