- 2017-06-20 03:50:39
- ព័ត៌មាន
ឧកញ៉ា៤រូប លេចធ្លោ ការងារមនុស្សធម៌
- 2017-06-20 03:50:39
- ចំនួនមតិ 0 | ចំនួនចែករំលែក 0
ឧកញ៉ា៤រូប លេចធ្លោ ការងារមនុស្សធម៌
ចន្លោះមិនឃើញ
ឧកញ៉ា ៤ រូបត្រូវបានចាត់ទុកថា មានភាពលេចធ្លោ ក្នុងកិច្ចការងារមនុស្សធម៌ មានភាពសាមញ្ញ និងទទួលបានការគាំទ្រពីច្រើនពីប្រជាពលរដ្ឋ ពិសេសអ្នកប្រើប្រាស់បណ្ដាញសង្គម Facebook ។ ឧកញ៉ាទាំង ៦ រូបនោះមាន៖
ឧកញ៉ា គួច ម៉េងលី
ឧកញ៉ា គួច ម៉េងលី ជាស្ថាបនិក និងជានាយកក្រុមហ៊ុន Mengly J. Quach Holding ត្រូវបានគេមើលឃើញថា លោកបានចែករំលែកទាំងចំណេះដឹង ទាំងជំនាញ ដល់សង្គមវិញដោយចំណាយថវិកាផ្ទាល់ខ្លួនរាប់សែនដុល្លារ។ លោកឧកញ៉ាបានចាត់ទុក រឿងធ្វើបុណ្យ ធ្វើទាន ការចែករំលែកដល់សង្គមជាសន្ដានចិត្តសប្បុរសធម៌មាននៅក្នុងអារម្មណ៍បេះដូងរបស់លោកឧកញ៉ា។ លោកឧកញ៉ាលោកលើកឡើងថា ធ្វើល្អបានល្អ ធ្វើអាក្រក់បានអាក្រក់។
ឧកញ៉ា ម៉ុង ឫទ្ធី
លោកឧកញ៉ា ម៉ុង ឫទ្ធី ជាម្ចាស់ក្រុមហ៊ុនជាច្រើន ដែលវិនិយោគលើវិស័យកសិកម្ម ត្រូវគេចាត់ទុកថាជាមនុស្សជោគជ័យលើអាជីវកម្ម និងមានទឹកចិត្តសប្បុរសធម៌ ជួយដល់ជនទីទាល់ក្រ។ លោកបានចំណាយថវិការាប់ម៉ឺនដុល្លារធ្វើកិច្ចការងារនេះ ហើយជាការតបស្នងមកវិញលោកទទួលបានការគោរពស្រលាញ់ពីមជ្ឈដ្ឋានទូទៅ។ លោកឧកញ៉ាបានលើកឡើងថា ទ្រព្យលែងជាវត្ថុចាំបាច់ទី១ ហើយសម្រាប់ជីវិតអ្នកឧកញ៉ា។ ដូច្នេះពេលរកស៊ីមានបាន គួរគិតគូរដល់អ្នកកំពុងខ្វះខាតផង។ "យើងគ្រប់គ្នាកើតមកខ្លួនទទេ ដល់ពេល ស្លាប់ទៅវិញក៏មិនអាចយកលុយទៅជាមួយបានដែរ"។ នេះបើតាមសំណេររបស់អ្នកឧកញ៉ា លើបណ្ដាញសង្គម Facebook ។
ឧកញ៉ា ហុង ពីវ
អ្នកឧកញ៉ា ហុង ពីវ អគ្គនាយកក្រុមហ៊ុនពិភពថ្មីគ្រុប ម្ចាស់បុរីពិភពថ្មី និងជាម្ចាស់គ្រឹះស្ថានហិរញ្ញវត្ថុពិភពថ្មី បានឧបត្ថម្ភថវិការាប់លានដុល្លារ សម្រាប់កិច្ចការងារសង្គម និងមនុស្សធម៌។ គេនៅចាំបានលោកឧកញ៉ា បានជួយទារកម្នាក់អាយុ២ខែ ដែលប្រឈមទៅនឹងការបាត់បង់កែវភ្នែក តាមរយៈការបញ្ជូនទៅព្យាបាលនៅប្រទេសសិង្ហបុរី ខណៈលោក និងក្រុមគ្រួសារទារកនោះមិនដែលស្គាល់គ្នាពីមុនមកសោះ។ សម្រាប់កិច្ចការងារក្នុងក្រុមហ៊ុនលោកតែងលើកទឹកចិត្តបុគ្គលិកដែលប្រឹងប្រែងធ្វើការ ដោយផ្ដល់នូវរង្វាន់លើកទឹកចិត្តជា ឡាន ផ្ទះ និងថវិកាយ៉ាងច្រើនសន្ធឹកសន្ធាប់។ លោកកាន់តែធ្វើឲ្យមានការចាប់អារម្មណ៍ បន្ទាប់ពីចំណាយទឹកប្រាក់ប្រមាណ ៦០ ម៉ឺនដុល្លារ ចែកជាអាំងប៉ាវដល់បុគ្គលិក ក្នុងឱកាសបុណ្យចូលឆ្នាំចិន កាលពីដើមឆ្នាំនេះ។
ឧកញ៉ា ស្រី ចាន់ថន
លោកឧកញ៉ាស្រី ចាន់ថន អគ្គនាយកក្រុមហ៊ុន JET GROUP និង SKYLAND ខុនដូក៏មាននូវសកម្មភាពមនុស្សធម៌ស្ទើររាប់មិនអស់ដែរ។ លោកឧកញ៉ាតែងជួយដល់ទុរគតជន ជនគ្មានផ្ទះសម្បែង កសាងមន្ទីរពេទ្យ និងសាលារៀនជាដើម។ លោកឧកញ៉ាគឺជាសប្បុរសជនឈានមុនមួយរូប ដែលជួយឧបត្ថម្ភដល់កីឡាករកម្ពុជាជាច្រើននាក់ ពិសេសកីឡាករប្រដាល់។ ដោយមើលឃើញពីសកម្មភាពមិនអាចកាត់ថ្លៃបានអស់ទាំងនេះ កាលពីថ្ងៃទី ១៩ ខែឧសភា កន្លងទៅ លោកឧកញ៉ាត្រូវបានតែងតាំងជាអនុប្រធានកិត្តិយសសហព័ន្ធកីឡាប្រដាល់គុនខ្មែរផងដែរ៕