- 2018-03-18 03:44:15
- ព័ត៌មាន
៦កន្លែង មានសុវត្ថិភាពបំផុតដែលទេសចរជាស្ដ្រីអាចដើរតែម្នាក់ឯងដោយកក់ក្តៅ
- 2018-03-18 03:44:15
- ចំនួនមតិ 0 | ចំនួនចែករំលែក 0
៦កន្លែង មានសុវត្ថិភាពបំផុតដែលទេសចរជាស្ដ្រីអាចដើរតែម្នាក់ឯងដោយកក់ក្តៅ
ចន្លោះមិនឃើញ
យ៉ាងហោចណាស់ក្នុងមួយជីវិត មនុស្សស្រីគួរតែចាប់ផ្តើមធ្វើដំណើរតែម្នាក់ឯងទៅប្រទេសក្រៅ ដើម្បីឃើញពិភពលោកដោយខ្លួនឯង។ The South China Morning Post ដែលមានមូលដ្ឋាននៅទីក្រុងហុងកុង បានណែនាំបណ្តាប្រទេស៦ខាងក្រោម ដែលអ្នកទេចរនឹងមានអារម្មណ៍សុវត្ថិភាពផ្លូវចិត្តគ្រប់ទីកន្លែងដែលអ្នកទេចរចង់ទៅ។
១ ទីក្រុងស៊ីដនី ប្រទេសអូស្ត្រាលី
ប្រទេសអូស្ត្រាលីគឺជាកន្លែងដ៏ល្អមួយដើម្បីចាប់ផ្តើមទេសចរណ៍ បើទោះអ្នកទេចរជាស្រ្តីដែលនឹងដើរហើរតែឯងក្តី។ ឆ្នេរដ៏ស្រស់ស្អាត ជីវិតនៅទីក្រុង វប្បធម៌ និង ហាងកាហ្វេ ដែលអ្នកទេសចរអាចទៅមើល កន្លែងនានាក្នុងទីក្រុងដោយថ្មើរជើង និងដើរមើលទីក្រុងប្រណីតមួយរបស់ពិភពលោកដោយសុវត្ថិភាពបំផុត។
២ ទីក្រុងតូក្យូ ប្រទេសជប៉ុន
ទីក្រុងតូក្យូត្រូវបានគេទទួលស្គាល់ថា ជាទីក្រុងដែលមានសុវត្ថិភាពបំផុតនៅលើពិភពលោក។ ជារឿងសាមញ្ញទៅហើយដែលមនុស្សទូទៅ ទុកដាក់របស់របរយ៉ាងណាក៏មិនចេះបាត់ដែរនៅទីក្រុងមួយនេះ។ ប្រសិនបើមានពេល អ្នកទេសចរអាចបន្តទៅលេង អូសាកា ដែលខ្សែរថភ្លើងរត់ដល់យប់ជ្រៅ បុគ្គលិកភាគច្រើនធ្វើការថែមម៉ោងដល់យប់ជ្រៅ ដែលអ្នកទេចរនឹងមានអារម្មណ៍ថា មិនដើរតែឯងទេ។
៣ កោះសាមុយ ប្រទេសថៃ
កោះនេះមានឈ្មោះថា "ដែនដីនៃស្នាមញញឹម" ព្រោះប្រជាជនភាគច្រើនរួសរាយរាក់ទាក់។ វីឡាឆ្នេរ និង ម្ហូបថៃ ល្បីបំផុតនៅទីនោះ។ បើបានទៅដល់កោះសាមុយ កុំភ្លេចទៅមើលព្រះពុទ្ធបដិមាមាសធំ នៅភាគឦសាននៃកោះ និង សួន Tar Nim’s Magic Garden នៅកំពូលភ្នំ។
៤ ទីក្រុង អាំស្ទ៊ែរដាម (Amsterdam) ប្រទេសហូឡង់
អ្នកទេចរ អាចជួលកង់ជិះតាមមាត់ស្ទឹងក្នុងទីក្រុង ចំណាយពេលខ្លះនៅសារមន្ទីរ។ អាំស្ទ៊ែរដាម ជាទីក្រុងដែលមានប្រជាជនតិចជាង១លាននាក់ និងជាទីក្រុងមានបរិយាកាសប្រកបដោយសុវត្ថិភាពសម្រាប់ភ្ញៀវទេសចរ។ បន្ទាប់មក ដើរលេងនៅឧទ្យាន Vondelpark និង បញ្ចប់ថ្ងៃល្អឥតខ្ចោះដោយក្រេបភេសជ្ជៈនៅ Tales & Spirits។
៥ សិង្ហបុរី
ប្រទេសសឹង្ហបុរីមានច្បាប់ដ៏តឹងរ៉ឹងចំពោះអ្នកចោលសំរាម។ ហើយបើអ្នកទេសចរ ចង់សួរមនុស្សដើម្បីស្វែងរកទីកន្លែងនានានៅប្រទេសសឹង្ហបុរី មិនជាការលំបាកទេ។ ស្វែងរកផ្លូវទៅកាន់ Marina Bay Sands និង ទស្សនីយភាពដ៏ស្រទន់នៅ Duxton Hill អ្នកនឹងលង់ជាមួយសម្រស់ដ៏ស្រស់ស្អាតរបស់ប្រទេសមួយនេះ។
៦ អ៊ូប៊ុយ (Ubud) នៅកោះបាលី ប្រទេសឥណ្ឌូណេស៊ី
កោះបាលីមានអ្វីមួយសម្រាប់អ្នកទេសចរគ្រប់គ្នា ទេសភាពដ៏ទាក់ទាញនៅ Canggu ទស្សនីយភាពពេលរាត្រីដ៏ស្រស់ស្អាតនៅ inyak និង ឆ្នេរដ៏ស្រស់ស្អាត។ ពេលព្រឹកដ៏ស្រស់ស្រាយអំពីវាលស្រែ និង ភោជនីយដ្ឋាននានាដែលអ្នកមិនគួររំលង៕
